महाराष्ट्रामध्ये आजपासून नाईट कर्फ्यू ( night curfew in maharashtra ) अर्थात रात्रीची संचारबंदी लागू करण्यात येणार आहे

राज्यात २२ डिसेंबरपासून ५ जानेवारीपर्यंत नाईट कर्फ्यू रात्री ११ ते सकाळी ६ या वेळेत लागू असेल

ब्रिटनमध्ये सापडलेल्या करोनाच्या नव्या स्ट्रेनमुळे खबरदारीचा उपाय म्हणून हा निर्णय घेण्यात आलाय

संपूर्ण युरोप आणि मध्य-पूर्व देशांतून येणाऱ्या सर्व प्रवाशांना ते विमानतळावर उतरल्यापासून १४ दिवस संस्थात्मक क्वारंटाईन करण्यात येणार आहे.

अन्य देशांमधून आलेल्या प्रवाशांची तपासणी करून त्यांच्या हातावर शिक्का मारून त्यांना होम क्वारंटाईन केले जाईल.

रात्रीच्या संचारबंदीदरम्यान भाज्या आणि दूधासारख्या आवश्यक गोष्टींच्या पुरवठयावर कोणताही परिणाम होणार नाही.

नाइट कर्फ्यू दरम्यान ११ ते ६ या वेळात पाच पेक्षा जास्त लोकांना एकत्र येता येणार नाही

रात्री ११ नंतर अनावश्यक प्रवास करता येणार नाही

मेडिकल्स व्यतिरिक्त अन्य दुकाने रात्री ११ नंतर उघडी ठेवता येणार नाहीत

नियमांनुसार ऑफिसेस, टॅक्सी, कार आणि रिक्षा रात्रीच्यावेळी सुरु राहतील