Suresh Kalmadi : पुण्याचे माजी खासदार आणि केंद्रीय मंत्री राहिलेले सुरेश कलमाडी यांची तब्येत बिघडली असून त्यांना रुग्णालयात दाखल करण्यात आलं आहे. त्यांची प्रकृती स्थिर असल्याची माहिती डॅाक्टरांनी दिली आहे. त्यांना पुण्यातील दीनानाथ मंगेशकर रुग्णालयात दाखल करण्यात आलं आहे. त्यांच्या प्रकृतीची विचारपूस करण्यासाठी राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनी रुग्णालयात जाऊन त्यांची भेट घेतली. गेल्या काही दिवसांपासून कलमाडींची तब्येत बिघडली असल्याचं वृत्त समोर आलं होतं. शरद पवार हे पुणे दौऱ्यावर असताना त्यांनी कलमाडींची रुग्णालयात जाऊन भेट घेत कलमलींच्या तब्यतेची विचारपूस केली. शरद पवार हे दीनानाथ मंगेशकर रुग्णालयात दाखल होताच त्यांनी सुरेश कलमाडी यांना ‘हाऊ आर यु’ असं विचारलं त्यावर पवारांनी कलमाडींना ‘आय अँम फाईन’ असं उत्तर दिलं. डॉ. धनंजय केळकर यांनी कालमाडी यांच्या तब्बेतीची सविस्तर माहिती शरद पवार यांना दिली. गेल्या चार दिवसांपासून नियमित आरोग्य तपासणी आणि उपचारांसाठी रुग्णालयात आहेत. कलमाडी यांची प्रकृती चांगली आहे. कोणत्याही गंभीर आरोग्य समस्या आढळल्या नाहीत, असं डॅाक्टरांनी सांगितलं. कोण आहेत सुरेश कलमाडी? एककाळ असा होता ज्यावेळी पुण्यातील राजकारणात सुरेश कलमाडी मोठा दबदबा होता. त्यांना “सबसे बड़ा खिलाड़ी, सुरेशभाई कलमाडी” अशी उपाधी दिली जात असे. पुण्याच्या राजकारणात कलमाडींचा १९९५ ते २००७ च्या काळात उदय झाला. ते काँग्रेसमध्ये होते. राजकीय वर्तुळात त्यांच्या शब्दाला मोठी किंमत होती. मात्र, २०१० मध्ये झालेल्या कॉमनवेल्थ गेम्सच्या आयोजन समितीचे अध्यक्ष असताना त्यांच्यावर भ्रष्टाचाराचे आरोप झाले आणि त्यानंतर त्यांच्या कारकिर्दीला मोठा धक्का बसला. असं असलं तरी पुण्याच्या राजकारणात त्यांचं मोठं स्थान आहे, हेही नाकारून चालणार नाही. हेही वाचा : “माझं करिअर, कपडे, रिलेशनशिपवरून लोकांनी…”; मलायका अरोराने व्यक्त केली भावना
