Newasa News : नेवासे नगरपंचायत कार्यालयात (Newasa News) आज दैनिक प्रभातचे शिरीष समुद्र आणि निवासी संपादक जयंत कुलकर्णी यांच्या प्रमुख उपस्थितीत राष्ट्रसंत गाडगे बाबांच्या १५१व्या जयंती मोठ्या उत्साहाने साजरी करण्यात आली. कार्यक्रमाची सुरुवात दैनिक प्रभातचे शिरीष समुद्र, निवासी संपादक जयंत कुलकर्णी, संदीप कटके, नगराध्यक्ष डॉ. करणसिंह घुले, कार्यालयीन अधीक्षक सागर झावरे, गटनेते महेश लोखंडे, दैनिक प्रभातचे नेवासे तालुका प्रतिनिधी राजेंद्र वाघमारे, आदर्श शिक्षक दत्तात्रय शिंदे, नगरसेवक संदीप सरकाळे, प्रवीण सरोदे, अनिल पवार, अंकुश म्हस्के, कृष्णा परदेशी, माजी सरपंच सतीश गायके आदी मान्यवरांच्या उपस्थितीत राष्ट्रसंत गाडगे बाबांच्या प्रतिमेचे पूजन करून झाली. Newasa News याप्रसंगी आदर्श शिक्षक दत्तात्रय शिंदे यांनी संत गाडगे महाराजांच्या स्वच्छता, शिक्षण आणि माणुसकीच्या संदेशावर प्रकाश टाकत विस्तृत मार्गदर्शन केले. त्यांनी गाडगे बाबांच्या जयंतीनिमित्त ई-कचरा संकलन मोहिमेबाबत विशेष माहिती दिली. शहरातील जुने मोबाईल, कॉम्प्युटर, बंद पडलेली इलेक्ट्रॉनिक उपकरणे जमा करून त्यांची योग्य विल्हेवाट लावण्याचे आवाहन केले. संत गाडगे महाराजांच्या स्वच्छता आणि पर्यावरण संवर्धनाच्या विचारांना अनुसरून ई-कचऱ्याचे योग्य व्यवस्थापन करण्याबाबत त्यांनी सविस्तर मार्गदर्शन केले. यावेळी दैनिक प्रभात परिवारातील मान्यवरांनी नेवासे नगरपंचायतीच्या कारभाराचे विशेष कौतुक केले. नगराध्यक्ष डॉ. करणसिंह घुले यांनी शिरीष समुद्र आणि जयंत कुलकर्णी यांचा सत्कार केला, तर आदर्श शिक्षक दत्तात्रय शिंदे यांनी संपादकांना पुस्तक भेट दिले. नगरपंचायत कार्यालयीन अधीक्षक सागर झावरे यांनी कार्यक्रम यशस्वी होण्यासाठी सर्वांचे आभार मानले. हा कार्यक्रम संत गाडगे बाबांच्या स्वच्छ भारत आणि समाजसुधारणेच्या विचारांना पुढे नेणारा ठरला.
