ऍडलेड – साखळी फेरीत अव्वल स्थान पटकावलेल्या दक्षिण आफ्रिकेला नेदरलॅंडकडून 13 धावांनी दारुण पराभवाचा सामना (Netherlands defeat South Africa) करावा लागला. या पराभवामुळे ऑस्ट्रेलियात सुरू असलेल्या टी-20 विश्‍वकरंडक क्रिकेट स्पर्धेतून दक्षिण आफ्रिका संघाचे आव्हान संपुष्टात आले.

साखळी फेरी व सुपर 12 मध्ये चमकदार कामगिरी केलेल्या दक्षिण आफ्रिकेवर विश्‍वकरंडक स्पर्धेतून बाहेर पडण्याची नामुष्की पुन्हा एकदा स्वीकारावी लागली. दक्षिण आफ्रिकेचा कर्णधार टेम्बा बवुमाने नाणेफेक जिंकत नेदरलॅंडला पहिल्यांदा फलंदाजी दिली. स्टिफन मेबर्ग व मॅक्‍स ओद्वेड यांनी संघाला अर्धशतकी सलामी दिली. मात्र, मेबर्ग 30 चेंडूत 7 चौकारांच्या मदतीने 37 तर ओद्वेड 31 चेंडूत 1 चौकार व 1 षटकाराच्या मदतीने 29 धावा करून बाद झाले. मार्क कूपरनेही आक्रमक फलंदाजी करत 19 चेंडूंचा सामना करताना 2 चौकार व 2 षटकारांसह 35 धावांवर परतला.

WHAT A WIN! 🤩

Netherlands defeat South Africa in their final Group 2 match of #T20WorldCup#SAvNED |📝: https://t.co/4UJVijHlTA pic.twitter.com/zhmHSOpqVe

— ICC (@ICC) November 6, 2022

बास दी लीडेने साफ निराशा केली. मात्र, कॉलिन ऍकरमनने नाबाद 41 धावांची खेळी करताना स्कॉट एडवर्डसच्या साथीत संघाचे दीडशतक फलकावर लावले. ऍकरमनने आपल्या खेळीत 26 चेंडूत 3 चौकार व 2 षटकार अशी फटकेबाजी केली. नेदरलॅंडचा डाव 20 षटकांत 4 बाद 158 असा रोखला गेला. दक्षिण आफ्रिकेकडून केशव महाराजने 2 गडी बाद केले.

विजयासाठी 159 धावांचा पाठलाग करताना दक्षिण आफ्रिकेला 20 षटकांत 8 बाद 145 धावांवर रोखत नेदरलॅंडने सनसनाटी विजय मिळवला. दक्षिण आफ्रिकेच्या डावाची सुरुवात निराशाजनक झाली. त्यांचे चार प्रमुख फलंदाज संघाचे शतक फलकावर लागण्यापूर्वीच बाद झाले. त्यानंतर डेव्हिड मिलर व वेन पारनेलने थोडी चमक दाखवली. मात्र, तरीही त्यांना विजयासाठी दिलेल्या लक्ष्याचा पाठलाग करता आला नाही व त्यांचा डाव कोसळला व नेदरलॅंडने हा सामना 13 धावांनी जिंकला.

Sagar Dhankar Murder Case : सुशील कुमारला जामीन मंजूर, पण…

नेदरलॅंडचे या स्पर्धेतील आव्हान यापूर्वीच संपुष्टात आले असले तरीही त्यांनी दक्षिण आफ्रिकेला पराभूत करत त्यांनाही आपल्यासह स्पर्धेबाहेर काढले. नेदरलॅंडकडून ब्रेंडन ग्लोवरने 3, तर फ्रेड क्‍लासेन व बास दी लीडे यांनी प्रत्येकी 2 गडी बाद केले.

संक्षिप्त धावफलक –

नेदरलॅंड – 20 षटकांत 4 बाद 158 धावा. (स्टिफन मेबर्ग 37, मार्क कूपर 35, मॅक्‍स ओद्वेड 29, कॉलिन ऍकरमन नाबाद 41, स्कॉट एडवर्डस नाबाद 12, केशव महाराज 2-27). दक्षिण आफ्रिका – 20 षटकांत 8 बाद 145 धावा. (रेली रोसो 25, हेनरीच क्‍लासेन 21, टेम्बा बवुमा 20, ब्रेंडन ग्लोवर 3-9, फ्रेड क्‍लासेन 2-20, बास दी लीडे 2-25).