NEET Paper Leak : विद्यार्थ्यांना मोठा धक्का ! नीट पेपर फुटीप्रकरणातील मुख्य आरोपीला क्लिनचीट
नीट परीक्षा पेपरफुटी प्रकरणावरून (NEET Paper Leak) देशभरातील विद्यार्थ्यांमध्ये प्रचंड असंतोष निर्माण झाला असून दिल्लीत याविरोधात जोरदार आंदोलने छेडली गेली आहेत.
NEET Paper Leak : नीट परीक्षा पेपरफुटी प्रकरणावरून (NEET Paper Leak) देशभरातील विद्यार्थ्यांमध्ये प्रचंड असंतोष निर्माण झाला असून दिल्लीत याविरोधात जोरदार आंदोलने छेडली गेली आहेत.
‘कॉक्रोच जनता पार्टी’चे संस्थापक अभिजीत दीपके यांच्या नेतृत्त्वाखाली हे आंदोलन सुरू असून त्याला देशभरातील विद्यार्थी आणि विरोधी पक्षांनी मोठा पाठिंबा दिला आहे. हे आंदोलन तापलेले असतानाच आता NEET पेपरफुटी प्रकरणातून एक सर्वात महत्त्वाची अपडेट समोर आली आहे.
या संपूर्ण प्रकरणातील मुख्य संशयित आरोपी संजीव कुमार उर्फ संजीव मुखिया (NEET Paper Leak) याला केंद्रीय अन्वेषण विभागाने (CBI) पूर्णपणे क्लिनचिट दिली आहे. NEET UG 2024 ची प्रश्नपत्रिका फोडण्यात किंवा ती वितरित करण्याच्या कटामध्ये संजीव मुखियाचा थेट अथवा अप्रत्यक्ष सहभाग असल्याचे कोणतेही पुरावे तपासात आढळून आले नाहीत. त्यामुळे CBI कडून त्याच्याविरोधात कोणतेही आरोपपत्र (Chargesheet) दाखल करण्यात आलेले नाही.
NEET Paper Leak
‘टाइम्स ऑफ इंडिया’ने दिलेल्या वृत्तानुसार, CBI ने या संपूर्ण तपासाची सविस्तर माहिती दिली आहे. २०२४ मध्ये बिहार पोलिसांनी NEET-UG प्रश्नपत्रिका चोरीचा प्रकार उघडकीस आणून याप्रकरणी गुन्हा (NEET Paper Leak) दाखल केला होता. यापूर्वीच्या अनेक प्रश्नपत्रिका चोरी आणि पेपरफुटीच्या प्रकरणांमध्ये नाव असल्याने प्राथमिक संशयावरून बिहार पोलिसांनी एफआयआर (FIR) मध्ये संजीव मुखियाला आरोपी म्हणून नमूद केले होते.
त्यानंतर या प्रकरणाचे गांभीर्य लक्षात घेऊन पुढील तपास CBI कडे हस्तांतरित करण्यात आला. तपासादरम्यान प्रश्नपत्रिका चोरणे, ती प्रसारित करणे आणि त्यातून अवैध नफा कमावणे या संपूर्ण साखळीत सहभागी असलेल्या प्रत्येक व्यक्तीची ओळख CBI ने पटवली. या सखोल तपासानंतर CBI ने पाटणा येथील सक्षम न्यायालयात एकूण ४५ आरोपींविरुद्ध अनेक आरोपपत्रे दाखल केली, मात्र त्यात संजीव मुखियाच्या विरोधात कोणताही पुरावा सापडला नाही.
प्रकरणाचा तपास सुरू असताना संजीव मुखिया (NEET Paper Leak) सुरुवातीला फरार झाला होता, परंतु नंतर बिहार पोलिसांनी त्याला अटक केली. पेपरफुटीच्या कटात नाव आल्यामुळे CBI ने त्याला अधिक चौकशीसाठी पोलीस कोठडीत घेतले होते. मात्र, सखोल चौकशी आणि पुराव्यांच्या छाननीनंतर या कटात त्याचा सहभाग असल्याचे सिद्ध होऊ शकले नाही. अखेर पुरावा अभावी त्याच्याविरोधात दोषारोपपत्र दाखल न करता त्याला न्यायालयातून जामीन मंजूर करण्यात आला आहे.
