NEET Exam News – नॅशनल टेस्टिंग एजन्सीच्या (एनटीए) प्राथमिक अंदाजानुसार, वैद्यकीय प्रवेशासाठीच्या ३ मे रोजी नीट-युजी (NEET- UG ) परीक्षा दिलेल्या दोन लाखांहून अधिक विद्यार्थ्यांनी २१ जून रोजी झालेली पुनःपरीक्षा दिली नाही.

पहिल्या परीक्षेला एकूण २२,०५,०३५ उमेदवार उपस्थित होते, तर पुन:परीक्षेला सुमारे २० लाख उमेदवार उपस्थित राहिले; यात ९ टक्क्यांची घट दिसून आली. एनटीएच्या अधिकाऱ्यांनी सांगितले की, नेमक्या आकडेवारीचे संकलन केले जात आहे.  (NEET Exam News)

पहिली परीक्षा आणि पुनःपरीक्षा यांच्या दरम्यानच्या काळात किमान २१ विद्यार्थ्यांनी आत्महत्या केली. शिक्षण क्षेत्रातील तज्ज्ञांनी पेपरफुटीमुळे झालेला मानसिक आघात आणि त्या घटनेमुळे परीक्षा प्रक्रियेवरील विश्वास उडणे, या गोष्टींकडे लक्ष वेधले.

मात्र, एनटीएच्या सूत्रांनी बदललेली परिस्थिती किंवा व्यावहारिक कारणे यांकडे निर्देश केला. अनेक उमेदवार जेईई परीक्षा (अभियांत्रिकी प्रवेश) आणि आय आआयटीमधील प्रवेशासाठी जेईईएडव्हान्स्ड परीक्षाही देतात.  (NEET Exam News)

 

 

जर त्यांची त्या परीक्षांमध्ये चांगली कामगिरी झाली असेल, तर त्यांनी वैद्यकीय क्षेत्रातील करिअरचे स्वप्न सोडून देण्याचा निर्णय घेतला असू शकतो.

काही उमेदवार परदेशातील संस्थांमध्येही अर्ज करतात आणि त्यांनी ही परीक्षा न देण्याचा निर्णय घेतलेला असू शकतो. बहुतांश भारतीयांच्या मते परदेशात शिक्षण घेणे प्रतिष्ठेचे मानले जाते.

६ मे रोजी मूळ परीक्षेच्या आन्सर की अर्थात उत्तरतालिका जाहीर झाल्यानंतर, काही उमेदवारांना कदाचित असे वाटले असेल की, ते अशा प्रकारच्या अत्यंत कठीण परीक्षेसाठी योग्य नाहीत.