नवी दिल्ली :- टोकियो ऑलिम्पिक सुवर्णपदक विजेता आणि जागतिक विजेता भारताचा भालाफेकपटू नीरज चोप्रा पॅरिस ऑलिम्पिकपूर्वी चार देशांमध्ये प्रशिक्षण घेणार आहे. क्रीडा मंत्रालयाने नीरजच्या प्रशिक्षक क्लॉस बार्टोनिट्झ आणि फिजिओ इशान मारवाह यांच्यासोबत युरोपमध्ये ६० दिवसांच्या प्रशिक्षणाच्या प्रस्तावाला मंजुरी दिली आहे. त्यांच्यासोबत कुस्तीपटू विनेश फोगट, लांब उडीपटू शैली सिंग आणि भारतीय नेमबाज परदेशात ऑलिम्पिकसाठी तयारी करतील.

ऑलिम्पिकच्या दोन महिन्यांपूर्वी नीरजला स्नायूंचा त्रास होत आहे. काही दिवसांपूर्वी त्याने इन्स्टाग्रामवर ही माहिती दिली होती. फेकच्या सत्रात भाग घेतल्यानंतर मी ऑस्ट्रावा गोल्डन स्पाइक स्पर्धेत सहभागी न होण्याचा निर्णय घेतला आहे. मलाही याआधी ही समस्या आली आहे. या टप्प्यावर मी स्वत:ला ढकलले तर त्यामुळे दुखापत होऊ शकते. ऑलिम्पिकपूर्वी मला कोणताही धोका पत्करायचा नाही, असे निरज म्हणाला.

नेमबाज राजेश्वरी, माहेश्वरी इटलीत सराव

क्रीडा मंत्रालयाच्या मिशन ऑलिम्पिक अंतर्गत, नेमबाज राजेश्वरी कुमारी आणि माहेश्वरी चौहान त्यांच्या वैयक्तिक प्रशिक्षकांसह इटलीमध्ये ११ जूनपर्यंत होणाऱ्या प्रशिक्षण शिबिरात सहभागी होणार आहेत. पॅरिससाठी पात्र ठरलेली विनेश फोगट ५ ते ७ जून दरम्यान माद्रिद येथे होणाऱ्या ग्रांप्री स्पर्धेत खेळणार आहे. लांब उडीपटू शैली सिंग तिच्या प्रशिक्षकासोबत लिस्बन, पॅरिस, जिनिव्हा आणि अथेन्स येथे प्रशिक्षण घेणार आहे. भारतीय बॅडमिंटनपटू एचएस प्रणॉयने २० जून ते २२ जुलै या कालावधीत प्रशिक्षक रोहन जॉर्ज मॅथ्यूज, हायपरबेरिक ऑक्सिजन थेरपी, रेड लाइट थेरपीसह पुनर्प्राप्ती सेवांची नियुक्ती करण्याची मागणी केली होती, ज्याला क्रीडा मंत्रालयाने मान्यता दिली आहे.

T20 World Cup 2024 : फजल-हक-फारुकीची चमकदार कामगिरी, अफगाणिस्तानची युगांडावर सहज मात…

नेमबाज राजेश्वरी कुमारी इटलीतच सराव करणार

टॉप्स (टारगेट ऑलिम्पिक पोडियम स्कीम) अंतर्गत, पॅरिस ऑलिम्पिकमधील पदक फेव्हरेट भारतीयाला मंत्रालयाकडून तयारीसाठी मदत केली जाते. भारतीय क्रीडा प्राधिकरण (साई) च्या नियमांनुसार विमान भाडे, निवास, भोजन, वैद्यकीय विमा, स्थानिक वाहतूक खर्च तसेच खिशाबाहेरचा भत्ता या आर्थिक सहाय्यामध्ये समाविष्ट असतो.