Eknath Shinde : विधान परिषदेच्या उपसभापतीपदाच्या निवडणुकीचा कार्यक्रम सभापती राम शिंदे यांनी जाहीर केला असून, १ जुलै  २०२६ रोजी दुपारी १ वाजता मतदान होणार आहे. विधान परिषदेत महायुतीकडे स्पष्ट बहुमत असले तरी हे पद शिवसेना (शिंदे गट) यांच्या वाट्याला जाणार असल्याचे निश्चित मानले जात आहे. मात्र उमेदवारीवरून पक्षातच जोरदार चुरस निर्माण झाली आहे.

माजी उपसभापती नीलम गोऱ्हे या पुन्हा एकदा या पदाच्या प्रमुख दावेदार मानल्या जात असल्या, तरी मुख्यमंत्रीपदाचा अनुभव असलेले उपमुख्यमंत्री एकनाथ शिंदे यावेळी सर्वांना धक्का देणारा निर्णय घेण्याच्या तयारीत असल्याची चर्चा राजकीय वर्तुळात रंगली आहे. त्यामुळे उपसभापतीपदासाठी कोणाच्या नावावर शिक्कामोर्तब होणार, याकडे सर्वांचे लक्ष लागले आहे.

दोन बड्या नेत्यांच्या नावाची चर्चा

सध्या शिवसेनेत चंद्रकांत रघुवंशी आणि कृपाल तुमाने यांच्यात प्रमुख स्पर्धा असल्याची माहिती सूत्रांकडून मिळत आहे. रघुवंशी यांच्या समर्थनार्थ उत्तर महाराष्ट्रातील नऊ आमदारांनी एकनाथ शिंदे यांना पत्र देत त्यांना उपसभापतीपदाची संधी द्यावी, अशी मागणी केली आहे. या आमदारांमध्ये अमोल पाटील, गोकुळ गिते, सत्यजित तांबे, आमशा पाडवी, किशोर पाटील, चंद्रकांत सोनावणे, चंद्रकांत पाटील, मंजुळा गावीत आणि तुळशीराम गावीत यांचा समावेश आहे.

हेही वाचा : Jasmin Bhasin : ‘मी अजूनही धोक्याबाहेर नाही’; दुबईहून भारतात परतली जस्मिन भसीन, प्रकृतीबाबत दिली मोठी अपडेट

अंतिम क्षणापर्यंत सस्पेन्स कायम

दरम्यान, नीलम गोऱ्हे यांचा कार्यकाळ संपल्यानंतर हे पद रिक्त झाले आहे. अलीकडेच त्या विधान परिषदेत शिवसेना (शिंदे गट)च्या उमेदवार म्हणून बिनविरोध निवडून आल्या आहेत. त्यामुळे त्यांनाच पुन्हा संधी मिळू शकते, अशीही शक्यता वर्तवली जात आहे. मात्र कृपाल तुमाने, चंद्रकांत रघुवंशी आणि मनीषा कायंदे यांची नावेही चर्चेत असल्याने अंतिम क्षणापर्यंत सस्पेन्स कायम राहणार आहे.

दुसरीकडे, विधान परिषदेत महाविकास आघाडीकडे आवश्यक संख्याबळ नसल्याने ते उमेदवार देणार की निवडणूक बिनविरोध होणार, याकडेही राजकीय वर्तुळाचे लक्ष लागले आहे. उमेदवारी अर्ज, छाननी, माघार आणि आवश्यक असल्यास मतदानाची प्रक्रिया १ जुलै रोजी पूर्ण होणार असून, त्याच दिवशी निकालही जाहीर होण्याची शक्यता आहे.

हेही वाचा :Shreyas Talpade: श्रेयस तळपदेचा खुलासा; शाहरुख खानमुळे मिळालं पहिलं घर