Maharashtra Politics : राष्ट्रवादीचा शिंदेसेनेला धक्का; अनेक शिवसैनिकांचा पक्षात प्रवेश
Maharashtra Politics : राज्यातील महायुतीतील घटक पक्षांमध्ये एकमेकांचे नेते व कार्यकर्ते पक्षात घेण्यावरून सुरू असलेली राजकीय चर्चा पुन्हा एकदा रंगू लागली आहे.
Maharashtra Politics : महायुतीतील घटक पक्षांमध्ये पुन्हा एकदा पक्षप्रवेशांवरून राजकीय चर्चा रंगू लागली आहे. पालघरमध्ये भाजपने शिंदे गटातील माजी आमदार श्रीनिवास वनगा यांना पक्षात घेतल्यानंतर आता रायगड जिल्ह्यात राष्ट्रवादी काँग्रेसने शिवसेनेला धक्का दिल्याची चर्चा आहे. माणगाव येथे झालेल्या पक्षप्रवेश सोहळ्यात शिवसेनेच्या अनेक कार्यकर्त्यांनी राष्ट्रवादी काँग्रेसमध्ये प्रवेश केला. (Maharashtra Politics)
माणगाव येथील क्षत्रिय मराठा भवनमध्ये हा पक्षप्रवेश सोहळा पार पडला. खासदार सुनील तटकरे आणि मंत्री आदिती तटकरे यांच्या उपस्थितीत शिवसेनेच्या अनेक कार्यकर्त्यांनी राष्ट्रवादी काँग्रेसचा झेंडा हाती घेतला. या पक्षप्रवेशामुळे माणगाव परिसरातील राजकीय समीकरणांमध्ये बदल होण्याची शक्यता व्यक्त केली जात आहे. (Maharashtra Politics)
महायुतीत पुन्हा पक्षप्रवेशांवरून चर्चा
महापालिका निवडणुकांच्या पार्श्वभूमीवर भाजप आणि शिवसेना शिंदे गटामध्ये संभाव्य उमेदवार तसेच स्थानिक नेत्यांना आपल्या पक्षात घेण्यावरून नाराजी निर्माण झाली होती. एकमेकांचे कार्यकर्ते आणि नेते पक्षात घेऊ नयेत, अशी भूमिका महायुतीतील घटक पक्षांनी घेतल्याची चर्चा होती. (Maharashtra Politics)
मात्र, पालघरमध्ये भाजपने माजी आमदार श्रीनिवास वनगा यांना पक्षात प्रवेश दिल्यानंतर राजकीय वातावरण पुन्हा तापले. भाजपचे प्रदेशाध्यक्ष रवींद्र चव्हाण यांच्या उपस्थितीत वनगा यांनी भाजपमध्ये प्रवेश केला. या घडामोडीवर शिंदे गटाचे मंत्री उदय सामंत यांनीही जाहीर नाराजी व्यक्त केली होती. (Maharashtra Politics)
आता रायगडमधील माणगाव येथे राष्ट्रवादी काँग्रेसच्या पक्षप्रवेश सोहळ्यामुळे महायुतीतील पक्षांमधील राजकीय हालचाली पुन्हा चर्चेत आल्या आहेत. (Maharashtra Politics)





