NCP News : अजित पवार यांचे विमान अपघातात निधन झाल्यानंतर बारामती विधानसभा मतदारसंघाची (NCP News) जागा रिक्त झाली होती. या रिक्त जागेसाठी महायुतीकडून उपमुख्यमंत्री सुनेत्रा पवार यांना उमेदवारी जाहीर करण्यात आली आहे. येत्या २३ एप्रिल २०२६ रोजी या पोटनिवडणुकीसाठी मतदान होणार असून, ४ मे २०२६ रोजी मतमोजणी होणार आहे. महायुतीने या निवडणुकीला (NCP News) बिनविरोध करण्यासाठी शेवटपर्यंत प्रयत्न केले. काँग्रेसने प्रारंभी आकाश मोरे यांना उमेदवारी दिली होती. मात्र, उमेदवारी अर्ज मागे घेण्याच्या शेवटच्या दिवशी आकाश मोरे यांनी आपला अर्ज मागे घेतला. यामुळे महायुतीला मोठा दिलासा मिळाला. तरीही ही निवडणूक पूर्णपणे बिनविरोध होणार नाही, कारण अनेक अपक्ष उमेदवारांनी आपले उमेदवारी अर्ज कायम ठेवले आहेत. NCP News दरम्यान, मतदानासाठी अवघे तीन दिवस शिल्लक असताना राष्ट्रवादी अजित पवार गटाला मोठा धक्का बसला आहे. पक्षातील अंतर्गत संघर्ष उफाळून आला असून, सांगलीतून धक्कादायक बातमी समोर आली आहे. सांगलीत राष्ट्रवादीत मोठा बंड सांगली महानगरपालिकेच्या स्वीकृत नगरसेवक निवडीवरून राष्ट्रवादी (NCP News) अजित पवार गटात तीव्र नाराजी पसरली आहे. गटनेते मैनूद्दीन बागवान यांच्यावर पक्षाचा आदेश डावलल्याचा आणि मनमानी कारभार केल्याचा गंभीर आरोप करण्यात आला आहे. या प्रकरणामुळे शहर राष्ट्रवादीच्या ३५ पदाधिकाऱ्यांनी तडकाफडकी राजीनामे दिले आहेत. त्यांनी हे राजीनामे शहर जिल्हाध्यक्ष पद्माकर जगदाळे यांच्याकडे सोपवले आहेत. नाराज पदाधिकाऱ्यांनी मैनूद्दीन बागवान यांच्यावर पक्षश्रेष्ठींचा आदेश मोडल्याचा आणि आर्थिक देवाणघेवाणीच्या आरोपातून नावे बदलल्याचा दावा केला आहे. शहर जिल्हाध्यक्ष पद्माकर जगदाळे यांनीही स्वीकृत नगरसेवक निवडीवर नाराजी व्यक्त केली असून, गटनेते बागवान यांच्यावर कारवाई करण्याची मागणी केली आहे. या घटनेमुळे सांगलीत राष्ट्रवादी अजित पवार पक्षात मोठी खळबळ उडाली असून, वातावरण तापले आहे. अजित पवार यांच्या निधनानंतर पक्षात एकजुटीचे आवाहन केले जात असताना, सांगलीतील हा अंतर्गत संघर्ष पक्षासाठी मोठा डोकेदुखी ठरला आहे. महायुतीकडून बारामती पोटनिवडणुकीत एकजुटी दाखवण्याचे प्रयत्न सुरू असतानाच, पक्षातील ही फूट चर्चेला उधाण देत आहे.