पुणे : स्वराज्याच्या प्रेरणास्थान राजमाता जिजाऊ आणि छत्रपती शिवाजी महाराज यांच्या विचारांना सन्मान देत लाल महाल येथे राष्ट्रवादी युवक काँग्रेस, पुणे शहर व आनंद दत्ताभाऊ सागरे यांच्या वतीने भव्य दिपोत्सव कार्यक्रमाचे आयोजन करण्यात आले. या कार्यक्रमात पारंपरिक मर्दानी खेळांचे प्रात्यक्षिकेही सादर करण्यात आली.

कार्यक्रमाचे उद्घाटन राष्ट्रवादी काँग्रेस पार्टीचे प्रदेश प्रवक्ते विकास अण्णा पासलकर यांच्या प्रमुख उपस्थितीत करण्यात आले. प्रमुख पाहुणे म्हणून रूपालीताई पाटील आणि प्रदीप दादा देशमुख उपस्थित होते.

दिपोत्सवाची सुरुवात राजमाता जिजामाता आणि छत्रपती शिवाजी महाराजांच्या प्रतिमेसमोर पहिला दिवा प्रज्वलित करून करण्यात आली. त्यानंतर वातावरण देशभक्तीच्या आणि संस्कारांच्या तेजाने उजळून निघाले.

कार्यक्रमाचे मुख्य आकर्षण होते केवळ ७ वर्षांच्या अथांग सागर मुजुमले यांनी सादर केलेले मर्दानी खेळांचे अप्रतिम प्रात्यक्षिक, ज्याला उपस्थित प्रेक्षकांनी उत्स्फूर्त प्रतिसाद दिला.

या भव्य कार्यक्रमाचे आयोजन राष्ट्रवादी युवक काँग्रेसचे कार्याध्यक्ष आनंद दत्ताभाऊ सागरे यांनी केले होते. कार्यक्रमाला पुणे शहरातील राष्ट्रवादी काँग्रेस पक्षाचे विविध पदाधिकारी, कार्यकर्ते आणि नागरिक मोठ्या संख्येने उपस्थित होते. लाल महाल परिसरात दिव्यांच्या प्रकाशात झगमगणारा हा दिपोत्सव स्वराज्याच्या परंपरेची आणि संस्कृतीची आठवण करून देणारा ठरला.