Mumbai News – नवी मुंबई परिसरात कार्यरत असलेल्या अमली पदार्थांच्या एका मोठ्या टोळीचा पोलिसांनी पर्दाफाश केला आहे. पोलिसांनी १.५ लाख रुपये किमतीचे अमली पदार्थ जप्त केले असून, या टोळीच्या सूत्रधारासह सहा जणांना अटक केली आहे.

१८ ऑगस्ट रोजी पोलिसांनी पनवेल रेल्वे स्थानकाजवळील पंचशील नगर झोपडपट्टीत छापा टाकला. यावेळी कबीर सलीम शेख आणि विकास ऊर्फ विकी कलप्पा गायकवाड या दोन स्थानिक रहिवाशांकडून ५१,००० रुपये किमतीचा ५१० ग्रॅम गांजा जप्त करून त्यांना अटक करण्यात आली.

पुढील तपासादरम्यान पनवेल येथील शकील मोहम्मद अय्युब शेख याला अटक करण्यात आली. त्याच्या घराची झडती घेतली असता, १ लाख ५,००० रुपये किमतीचे ३.५ ग्रॅम मेफेड्रोन जप्त करण्यात आले.

बुधवारी पोलिसांनी अमली पदार्थ वितरण जाळ्याची सूत्रधार म्हणून ओळखली जाणारी राणी रवी जोसेफ आणि तिचे साथीदार नितीन रमेश चौहान ऊर्फ नितीन भैय्या व प्रदीप कमलाकर गायकवाड यांना अटक केली. या अमली पदार्थांच्या रॅकेटशी संबंधित इतर सात जणांचा शोध घेण्याचे प्रयत्न सुरू असल्याचे पोलिसांनी सांगितले.