![\"Krishna](\"https://axrmzc5ulsbu.compat.objectstorage.ap-hyderabad-1.oraclecloud.com/media.dainikprabhat.com/wp-content/uploads/2026/06/Krishna-Patil-Ashtikar.jpg\")
Nanded MLC Election Result : विधान परिषद निवडणुकीत बंडखोर खासदाराचा लेक पराभूत; ठाकरे गटाने घेतला मोठा निर्णय
Nanded MLC Election Result : खासदार संजय राऊत यांनी ट्वीट करत दिली माहिती
Nanded MLC Election Result : विधान परिषद निवडणुकीत खासदार नागेश पाटील आष्टीकर यांचा मुलगा कृष्णा पाटील आष्टीकर यांचा पराभव झाला. कृष्णा पाटील आष्टीकर हे शिवसेना ठाकरे गटाकडून नांदेड विधान परिषद निवडणुकीच्या रिंगणामध्ये उतरले होते. मात्र त्यांना पराभवाचा सामना करावा लागला आहे.
ज्या वेळी कृष्णा पाटील आष्टीकर यांना उमेदवारी देण्यात आली. तेव्हा त्यांचे वडील नागेश पाटील आष्टीकर ठाकरे गटासोबत होते. मात्र त्यानंतर त्यांनी बंडखोरी करत एकनाथ शिंदे यांच्यासोबत जाण्याचा निर्णय घेतला. मात्र त्यानंतरही नागेश आष्टीकरांची उमेदवारी कायम ठेवण्यात आली.
कृष्णा नागेश पाटील (आष्टीकर )
यांची पक्ष विरोधी कारवाया केल्याबद्दल शिवसेना (उद्धव बाळासाहेब ठाकरे) पक्षातून हकालपट्टी करण्यात आली आहे!— Sanjay Raut (@rautsanjay61) June 22, 2026
Krishna Patil Ashtikar
ठाकरे पक्षातून हकालपट्टी
आता पराभवानंतर कृष्णा नागेश पाटील (आष्टीकर) यांची ठाकरे गटातून हकालपट्टी करण्यात आल्याची माहिती खासदार संजय राऊत यांनी दिली आहे. कृष्णा नागेश पाटील यांची पक्ष विरोधी कारवाया केल्याबद्दल शिवसेना (उद्धव बाळासाहेब ठाकरे) पक्षातून हकालपट्टी करण्यात आली आहे, असे ट्वीट संजय राऊत यांनी केले आहे.
दरम्यान, नांदेड विधान परिषद निवडणुकीमध्ये महायुतीचे उमेदवार अमरनाथ राजूरकर यांचा विजय झाला. अमरनाथ राजूरकर यांना ३३९ मतं मिळाली आहेत. तर महाविकास आघाडी पुरस्कृत अपक्ष उमेदवार कृष्णा पाटील आष्टीकर यांना फक्त ८४ मतांवर समाधान मानावे लागले. वंचित बहुजन आघाडीचे उमेदवार प्रशांत इंगोले यांना ५ मतं पडली.
अमरनाथ राजूरकर यांनी कृष्णा पाटील आष्टीकर यांचा २५५ मतांनी पराभव केला. या निवडणुकीमध्ये २३ मतं बाद ठरली तर एकूण ४५१ मतं मिळाली. Nanded MLC Election Result
हेही वाचा:
Gokul Gite : नाशिकमध्ये महायुतीला धक्का ! अपक्ष गोकुळ गीतेंचा मोठा विजय
