Gokul Gite :  सर्वांचे लक्ष लागलेल्या विधान परिषदेच्या नाशिक स्थानिक स्वराज्य संस्था निवडणुकीत धक्कादायक निकाल लागला आहे. महायुतीचे अधिकृत उमेदवार नरेंद्र दराडे यांचा पराभव झाला आहे. तर या निवडणुकीत प्रचारातून माघार घेतलेले अपक्ष उमेदवार गोकुळ गीते ऐनवेळी सक्रिय झाले आणि त्यांनी बाजी मारली.

गोकुळ गीते यांना ३५७ मते मिळाली आणि दराडे यांना २४८ मते मिळाली. त्यामुळे गीते यांना विजयी घोषित करण्यात आले. नाशिकची जागा भाजपला मिळावी यासाठी सुरुवातीपासून भाजपाचे प्रयत्न सुरू होते.

या जागेसाठी भाजपचे गणेश गीते इच्छुक होते. त्यांनी निवडणूक न लढविल्यास त्यांचे बंधू गोकुळ गीते अपक्ष लढणार हे स्पष्ट होते. मात्र मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि इतर मंत्र्यांनी प्रयत्न केल्याने गोकुळ गीते यांनी प्रचारातून माघार घेतल्याचे जाहीर केले. प्रत्यक्षात मात्र मतपत्रिकेवर त्यांचे नाव कायम होते. Gokul Gite

माझा घात केला – नरेंद्र दराडे

या निकालानंतर शिवसेना शिंदे गटाचे उमेदवार नरेंद्र दराडे यांनी तीव्र नाराजी व्यक्त केली आहे. “माझा विश्वासघात झाला आहे. एकनाथ शिंदे साहेब सोडून महायुतीच्या सर्व नेत्यांनी माझा घात केला. आतून त्यांना पाठिंबा दिला. त्यांचे पेपर वाटून त्यांना ताकद दिली. मी आशेवर राहिलो. मी आशेवर राहिल्यानंतर मी कुठेतरी कमी पडलो,” अशी खंतही त्यांनी व्यक्त केली.

दुसरीकडे, सकाळी नरेंद्र दराडे आणि गोकुळ गीते यांच्या शाब्दिक बाचाबाची झाली होती. मतदान केंद्रातून बाहेर पडत असताना जल्लोष करत असलेल्या गोकुळ गीतेंच्या कार्यकर्त्यांवर दराडे संतापले होते. यामुळे काही काळ तणावाचे वातावरण होते. Gokul Gite

हेही वाचा: 

Stock Market Today: आठवड्याच्या पहिल्या दिवशी शेअर बाजारात तेजी ; सेन्सेक्स ७७,००० च्या पुढे, निफ्टीही ९३ अंकांनी वधारला