“माझे मत सुशासनासाठी…”; बॉलीवूड अभिनेता फरहान अख्तरने बजावला मतदाना अधिकार
Lok Sabha Election 2024| लोकसभा निवडणूकीतील पाचव्या टप्प्यातील मतदान 8 राज्यांतील 49 जागांवर सुरू झाले आहे. महाराष्ट्रातील आज शेवटच्या पाचव्या टप्प्यात मतदान होत आहे. राज्यातील एकूण 13 लोकसभा मतदारसंघात आज मतदान पार पडत आहे. यात मुंबईतील सहाही मतदार संघाचा समावेश आहे. नुकतेच बॉलीवूड अभिनेता फरहान अख्तरने आपला मतदानाचा हक्क बजावला आहे.
फरहान अख्तर मुंबईतील वांद्रे पश्चिम येथील मतदान केंद्रावर पोहोचला होता. यावेळी त्याने सर्वसामान्य नागरिकांप्रमाणे रांगेत उभे राहून मतदानाचा हक्क बजावला. त्यानंतर त्याने नागरिकांना मतदान करण्याचेही आवाहन केले. “माझे मत सुशासनासाठी आहे, सर्व लोकांची काळजी घेणारे सरकार. कृपया बाहेर पडा आणि मतदान करा,” असे फरहान अख्तर म्हणाला.
VIDEO | Lok Sabha Elections 2024: “My vote is for good governance, the government that looks after all people. Please step out and vote,” said actor Farhan Akhter who arrived at a polling station in Bandra West, Mumbai to cast his vote.
(Full video available on PTI Videos -… pic.twitter.com/x42ZhuqLMz
— Press Trust of India (@PTI_News) May 20, 2024
पीएम मोदी ट्विट Lok Sabha Election 2024|
दरम्यान, पीएम मोदींनी देखील ट्विटद्वारे मतदानाचे आवाहन नागरिकांना केले आहे. “आज लोकसभा निवडणुकीच्या पाचव्या टप्प्यात 8 राज्ये आणि केंद्रशासित प्रदेशातील 49 जागांसाठी मतदान होणार आहे. या टप्प्यातील सर्व मतदारांना माझी विनंती आहे की त्यांनी मतदान करावे आणि मतदानाचा नवा विक्रम निर्माण करावा. लोकशाहीच्या या उत्सवात महिला आणि तरुण मतदारांनी उत्साहाने सहभागी व्हावे, असे माझे विशेष आवाहन आहे.” असे त्यांनी मराठीत ट्वीट केले आहे.
राज्यातील 13 जागांवर आज मतदान Lok Sabha Election 2024|
दरम्यान, मुंबईतील सहा लोकसभांसह ठाणे, भिवंडी, पालघर, कल्याण-डोंबिवली, नाशिक, धुळे, दिंडोरीचा समावेश आहे. त्यामुळे आता राज्यातील लोकसभा निवडणुकांची आज एक प्रकारे सांगता होणार आहे. यानंतर 4 जूनच्या निकालाची सर्वांना उत्सुकता असणार आहे.
लोकसभा निवडणुकीच्या पाचव्या टप्प्यात अनेक दिग्गज नेतेमंडळी निवडणुकीच्या रिंगणात उतरली आहे. गेल्या महिन्याभरात या उमेदवारांनी आपली सर्व ताकद पणाला लावून प्रचार केला. त्यानंतर आज मतदान 20 मे रोजी मतदान होत आहे.
हेही वाचा:
केंद्रीय गृहमंत्री अमित शाहांचे मतदारांना आवाहन, म्हणाले,” तुमच्या एका मताच्या जोरावर…”
