Bangalore Mahalakshmi Murder Case| बंगळुरूमध्ये महिलेचे 30 तुकडे करून तिला फ्रीजरमध्ये ठेवणाऱ्या आरोपीने बुधवारी ओडिशात गळफास लावून आत्महत्या केली. मुक्ती रंजन प्रताप रे (३१) असे आरोपीचे नाव आहे, तो ओडिशातील भद्रक जिल्ह्यातील धुसुरी पोलिस स्टेशन परिसरात मृतावस्थेत आढळला. बेंगळुरूचे पोलीस उपायुक्त (मध्य) शेखर एच टेक्कन्नवर यांनी सांगितले की, आरोपी व्यक्ती बुधवारी सकाळी झाडाला लटकलेल्या अवस्थेत आढळून आला. घटनास्थळी सापडलेल्या सुसाईड नोटमध्ये त्याने गुन्ह्याची कबुली दिल्याचे ओडिशा पोलिसांनी सांगितले. आरोपी आणि महिला एका कपड्याच्या दुकानात काम करतात. इथेच त्यांची मैत्री झाली. दोघांमध्ये संबंध होते. 29 वर्षीय महालक्ष्मी आणि आरोपीमध्ये सतत वाद सुरू होते. रागावलेल्या आरोपीने बेंगळुरूच्या मल्लेश्वरम भागात एका फ्लॅटमध्ये महालक्ष्मीची हत्या केली आणि नंतर तिच्या मृतदेहाचे 30 तुकडे केले आणि ते रेफ्रिजरेटरमध्ये ठेवले. महालक्ष्मीची आई आणि बहीण फ्लॅटवर पोहोचल्यावर त्यांना हत्येची माहिती मिळाली. ही महिला तिच्या पतीपासून वेगळी राहत होती. तिचा नवरा शहरापासून दूर एका आश्रमात काम करतो. श्रद्धा वालकर हत्याकांडाची पुनरावृत्ती 18 मे 2022 रोजी दिल्लीत श्रद्धा वालकरचा लिव्ह-इन पार्टनर आफताब पूनावालाने हत्या केली होती. पूनावाला यांनी वालकरचा गळा आवळून तिच्या शरीराचे 35 तुकडे केल्याचा आरोप आहे. जे त्याने शहरभर फेकून देण्यापूर्वी तीन आठवडे त्याच्या निवासस्थानी 300 लिटरच्या फ्रीजमध्ये ठेवले होते. या घटनेने देशभरात खळबळ उडाली होती.
