Mumbai Indians Three Captains Record : आयपीएल २०२६ मधील ६५ व्या सामन्यात मुंबई इंडियन्स आणि कोलकाता नाइट राइडर्स हे संघ आमनेसामने आले आहेत. या सामन्यात मुंबई इंडियन्सने एका अशा अजब आणि ऐतिहासिक विक्रमाची नोंद केली आहे, ज्याची चर्चा सध्या संपूर्ण क्रिकेट जगतात रंगली आहे. केकेआरविरुद्धच्या या लढतीत मुंबईचा नियमित कर्णधार हार्दिक पंड्या दुखापतीतून सावरून परतला आणि त्याने टॉससाठी मैदानात पाऊल ठेवले. मात्र, हार्दिकच्या या वापसीमुळे मुंबईने सलग तीन सामन्यांत तीन वेगवेगळे कर्णधार मैदानात उतरवण्याचा दुर्मिळ पराक्रम केला आहे. ३ सामने, ३ वेगवेगळे कर्णधार! मुंबई इंडियन्ससाठी हा हंगाम कमालीचा चढ-उतारांचा ठरला असून खेळाडूंच्या दुखापतींमुळे संघाचे मोठे नुकसान झाले आहे. १० मे रोजी आरसीबीविरुद्ध झालेल्या सामन्यात हार्दिकच्या अनुपस्थितीत सूर्यकुमार यादवने कप्तानी केली होती. त्यानंतर १४ मे रोजी पंजाब किंग्सविरुद्धच्या सामन्यात सूर्या देखील प्लेइंग इलेव्हनबाहेर असल्याने वेगवान गोलंदाज जसप्रीत बुमराहने नेतृत्व सांभाळले. आता हार्दिक पंड्या परतल्यामुळे मुंबईने सलग तीन सामन्यांत तीन वेगळे कर्णधार (सूर्या, बुमराह आणि हार्दिक) खेळवण्याचा विक्रम केला. आयपीएलच्या संपूर्ण इतिहासात असे केवळ दुसऱ्यांदाच घडले आहे. पुणे वॉरियर्सच्या १३ वर्षे जुन्या रेकॉर्डची केली बरोबरी – 🚨 Team News from Kolkata 🚨 Hardik Pandya and Suryakumar Yadav are back in the Playing XI as we bat first 👊 pic.twitter.com/LUFGsG7xYl — Mumbai Indians (@mipaltan) May 20, 2026 यापूर्वी २०१३ मध्ये ‘पुणे वॉरियर्स इंडिया’ या संघाने एकाच हंगामात सलग तीन सामन्यांत रॉस टेलर, अँजेलो मॅथ्यूज आणि अॅरॉन फिंच अशा तीन वेगवेगळ्या कर्णधारांना मैदानात उतरवले होते. १३ वर्षांनंतर आयपीएलमध्ये या घटनेची पुनरावृत्ती झाली आहे. दुखापती आणि सतत बदलणाऱ्या संघ समीकरणामुळे मुंबईचे या हंगामातील प्लेऑफचे आव्हान आधीच संपुष्टात आले आहे. हेही वाचा – BCCI Domestic Schedule : बीसीसीआयकडून देशांतर्गत क्रिकेटचे वेळापत्रक जाहीर! तब्बल १७८८ सामने रंगणार; टी-२० फॉरमॅटवर विशेष भर दोन्ही संघांची प्लेइंग इलेव्हन (Playing 11): मुंबई इंडियन्स: रायन रिकलटन (विकेटकीपर), रोहित शर्मा, नमन धीर, सूर्यकुमार यादव, तिलक वर्मा, हार्दिक पंड्या (कर्णधार), विल जॅक्स, कॉर्बिन बॉश, दीपक चहर, जसप्रीत बुमराह, रघु शर्मा. कोलकाता नाइट राइडर्स: अजिंक्य रहाणे (कर्णधार), अंगकृष रघुवंशी (विकेटकीपर), कॅमेरॉन ग्रीन, रोव्हमन पॉवेल, मनीष पांडे, रिंकू सिंह, सुनील नरेन, अनुकुल रॉय, कार्तिक त्यागी, वरुण चक्रवर्ती, सौरभ दुबे.
