IPL 2024, Lasith Malinga : मुंबई इंडियन्सने आयपीएल 2024 ची तयारी सुरू केली आहे. यावेळी रोहित शर्माच्या जागी हार्दिक पांड्या संघाचे नेतृत्व करेल. श्रीलंकेचा माजी दिग्गज लसिथ मलिंगा निवृत्तीनंतर एमआयच्या कोचिंग स्टाफमध्ये सामील झाला आहे. यावेळी मलिंगा मुंबईच्या गोलंदाजी प्रशिक्षकाच्या भूमिकेत दिसणार आहे. यापूर्वी तो राजस्थान रॉयल्ससोबत होता. नुकताच मलिंगा आणि ईशान किशनचा एक व्हिडिओ समोर आला आहे. यामध्ये ईशान गोलंदाजी करताना दिसत आहे.

मुंबई इंडियन्सने त्यांच्या एक्स अकाउंटवर एक व्हिडिओ शेअर केला आहे. यामध्ये इशान किशन एमआयच्या ट्रेनिंग कॅम्पमध्ये लसिथ मलिंगाशी बोलताना दिसत आहे. यानंतर इशानला मलिंगाच्या स्टाईलमध्ये गोलंदाजी करायला लावले जाते, पण त्याआधी त्याला मलिंगाच्या हेअर स्टाइलची बनावट टोपी घालायला लावली जाते. त्यानंतर तो मलिंगाची गोलंदाजी करताना दिसला. या व्हिडिओला सोशल मीडियावर खूप पसंती दिली जात आहे.

Malinga banne ka tareeka bohot 𝒌𝒆𝒛𝒖𝒂𝒍 hai Ishan Bhai 🤣💙#OneFamily #MumbaiIndians @ishankishan51 @malinga_ninety9 pic.twitter.com/3oOk4gjbVR

— Mumbai Indians (@mipaltan) March 15, 2024

ईशान किशन गेल्या काही महिन्यांपासून क्रिकेटच्या मैदानापासून दूर आहे, मात्र आता तो आयपीएल 2024 च्या माध्यमातून पुनरागमन करत आहे. ईशानच्या आयपीएल कारकिर्दीबद्दल बोलायचे झाले तर त्याने आतापर्यंत 91 आयपीएल सामन्यांमध्ये 2324 धावा केल्या आहेत. या कालावधीत त्याने 15 अर्धशतके झळकावली आहेत. त्याची सर्वोत्कृष्ट आयपीएल धावसंख्या 99 धावा आहे. 2020 चा हंगाम त्याच्यासाठी सर्वोत्तम होता. ईशानने या मोसमात 14 सामने खेळताना 516 धावा केल्या होत्या. ज्यामध्ये 4 अर्धशतकांचा समावेश आहे.

Malinga banne ka tareeka bohot 𝒌𝒆𝒛𝒖𝒂𝒍 hai Ishan Bhai 🤣💙#OneFamily #MumbaiIndians @ishankishan51 @malinga_ninety9 pic.twitter.com/3oOk4gjbVR

— Mumbai Indians (@mipaltan) March 15, 2024

आयपीएलच्या पहिल्या टप्प्यातील मुंबई इंडियन्सचे वेळापत्रक….

उल्लेखनीय आहे की, आयपीएल 2024 मध्ये मुंबई इंडियन्सचा पहिला सामना 24 मार्च रोजी गुजरात टायटन्सविरुद्ध होणार आहे. यानंतर दुसऱ्या सामन्यात त्यांचा सामना सनरायझर्स हैदराबादशी होणार आहे. हा सामना 27 मार्च रोजी हैदराबाद येथे होणार आहे.

https://wordpress-1295094-4705890.cloudwaysapps.com/ranji-trophy-2024-prize-money-money-rains-on-champion-mumbai-know-how-much-prize-money-was-received/

त्यानंतर मुंबईचा संघ तिसरा सामना राजस्थान रॉयल्सविरुद्ध खेळणार आहे. 1 एप्रिल रोजी राजस्थान आणि मुंबई यांच्यात सामना होणार आहे. संघाचा पुढील सामना दिल्ली कॅपिटल्सशी होणार आहे. हा सामना 7 एप्रिल रोजी मुंबईत होणार आहे.