Mumbai Hit And Run Case । राज्याची राजधानी मुंबईतून पुन्हा एकदा हिट अँड रनचे प्रकरण समोर आले आहे. मुंबईच्या वर्सोवा बीचवर झोपलेल्या ३६ वर्षीय रिक्षाचालकाला कारने चिरडल्याची माहिती आहे. या अपघातानंतर पोलिसांनी फरार मोटारचालकासह दोन जणांविरुद्ध सदोष मनुष्यवधाचा गुन्हा दाखल केला आहे. या दोघांनाही पोलिसांनी अटक केली आहे. दोघांच्या रक्ताचे नमुने प्रयोगशाळेत तपासणीसाठी पाठवण्यात आले आहेत. न्यायालयाने दोघांना सुनावली पाच दिवसांची कोठडी Mumbai Hit And Run Case । अटकेनंतर दोघांना न्यायालयात हजर करण्यात आले. न्यायालयाने दोघांनाही पाच दिवसांची पोलीस कोठडी सुनावली. मुंबई पोलिसांनी दिलेल्या माहितीनुसार, गणेश यादव असे मृत रिक्षाचालकाचे नाव आहे. वास्तविक, उन्हामुळे गणेश आणि त्याचा मित्र बबलू श्रीवास्तव वर्सोवा बीचवर झोपायला गेले होते. त्याचवेळी समुद्रकिनाऱ्यावर झोपलेल्या गणेशला पांढऱ्या रंगाच्या एसयूव्हीने चिरडले. गणेश चिरडल्याचा आवाज इतका मोठा होता की शेजारी झोपलेला बबलू जागा झाला. हे दृश्य पाहताच बबलू घाबरला, दोन जणांनी गाडीतून खाली उतरून गणेशला उठवण्याचा प्रयत्न केला मात्र त्याने प्रतिसाद दिला नाही, त्यानंतर दोघेही घटनास्थळावरून पळून गेले. गुन्हयाच्या काही तासात आरोपीला अटक Mumbai Hit And Run Case । घटनेची माहिती मिळताच वर्सोवा पोलिसांनी घटनास्थळ गाठून जखमी गणेशला उपचारासाठी कूपर रुग्णालयात दाखल केले. वर्सोवा पोलिसांनी एसयूव्ही चालक निखिल जावळे (३४) आणि त्याचा मित्र शुभम डोंगरे (३३) यांना अटक केली असून, दोघांनाही काल अंधेरी न्यायालयात हजर केले असता न्यायालयाने त्यांना पाच दिवसांची पोलीस कोठडी सुनावली आहे. गुन्हा केल्याच्या काही तासांतच चालक आणि त्याच्या मित्राला अटक करण्यात आल्याचे एका वरिष्ठ पोलीस अधिकाऱ्याने सांगितले. गणेश यादवचा मित्र बबलू श्रीवास्तव या घटनेतून थोडक्यात बचावला असून त्याला मानसिक धक्का बसला आहे. समुद्रकिनाऱ्यावर वाहनांना परवानगी नसली तरी ही गाडी झोपडपट्ट्यांमधून जात समुद्रकिनारी पोहोचली आणि समुद्रकिनाऱ्यावर झोपलेल्या एका व्यक्तीला चिरडले.
