Mumbai ATS Raid : मुंबईमध्ये महाराष्ट्र दहशतवाद विरोधी पथकाने मोठी कारवाई केली आहे. प्रतिबंधित दहशतवादी संघटना इस्लामिक स्टेट (ISIS) च्या वाढत्या ऑनलाईन प्रचाराला आळा घालण्यासाठी महाराष्ट्र दहशतवाद विरोधी पथकाने (ATS) सोमवारी रात्री मुंबईत मोठी कारवाई केली. मुंबईतील कुर्ला आणि गोवंडी या परिसरातील एकूण तीन ठिकाणांवर एटीएसने एकाच वेळी छापे टाकले. या कारवाईमुळे शहरात आणि विशेषतः उपनगरांमध्ये मोठी खळबळ उडाली आहे. समोर आलेल्या माहितीनुसार, महाराष्ट्र दहशतवाद विरोधी पथक म्हणजेच एटीएसने मुंबईमध्ये चार ठिकाणी छापेमारी केली आहे. गोवंडी आणि कुर्ला या शहरातील अत्यंत गर्दीच्या ठिकाणांवर ही छापेमारी करण्यात आली आहे. गोवंडीमध्ये तीन ठिकाणी तर कुर्ल्यात एका ठिकाणी ही छापेमारी करण्यात आली. या कारवाईमध्ये चार संशयितांना चौकशीसाठी ताब्यात घेतले आहे. या चौघांचा दहशतवादी संघटनेशी संबंध असल्याचा संशय व्यक्त करण्यात येत आहे. Mumbai ATS Raid दहशतवादी संघटनेशी संबंध असल्याचे पुरावे ताब्यात दहशतवादी संघटनेच्या कथित ऑनलाइन प्रचारासंदर्भात महाराष्ट्र दहशतवाद विरोधी पथकाने मुंबईतील तीन ठिकाणी मोठे छापे टाकले. ही कारवाई काल रात्री संध्याकाळी सुरू झाली असून मध्यरात्री उशिरापर्यंत सुरू होती. छाप्यांमध्ये मोबाईल फोन आणि लॅपटॉपसह असंख्य इलेक्ट्रॉनिक उपकरणे जप्त करण्यात आली आहे. तसेच अनेक लोकांची चौकशी करण्यात येत आहे. जप्त केलेली उपकरणे फॉरेन्सिक तपासासाठी पाठवण्यात आली आहेत. संबंधित संशयित व्यक्ती कोणत्या टेलिग्राम चॅनेल्स किंवा सोशल मीडिया ग्रुप्सच्या माध्यमातून संपर्कात होत्या, याची माहिती आता तपासातून समोर येईल. सध्या काही लोकांची चौकशी सुरू असून अद्याप कोणालाही अधिकृतपणे अटक करण्यात आलेली नाही. दरम्यान, डिजिटल प्लॅटफॉर्मद्वारे कट्टरपंथी विचारांचा प्रसार आणि वापर करण्यात काही विशिष्ट व्यक्तींचा सहभाग असल्याचे इनपुटमधून असल्याच्या संशयावरून हे छापे टाकण्यात आले. ताब्यात घेतलेल्यांचे दहशतवादी संघटनेशी संबंध असल्याचे सबळ पुरावे एटीएसला सापडल्याची माहितीही समोर आली आहे. Mumbai ATS Raid हेही वाचा: Apple India Launch: कमी किमतीत प्रीमियम अनुभव! भारतात आयफोन १७ई लाँच
