प्रभात वृत्तसेवा पौड – चाले (ता. मुळशी) येथील सुभद्रा मंगल कार्यालय येथे खेळ रंगला पैठणीचा हा माता-भगिनींच्या कलागुणांना वाव देणारा व त्यांच्या चेहर्यावर आनंद निर्माण करणारा कार्यक्रम तसेच आदर्श गणेशोत्सव मंडळस्पर्धा व नांदगाव येथील गौरी -गणपती सजावट स्पर्धा चे बक्षीस वितरण सोहळा चे आयोजन नांदगावचे माजी उपसरपंच चेतन सोपान फाले व सरपंच मंजुळांनानी सोपान फाले यांनी आयोजन केले होते.या कार्यक्रमास राज्य महिला आयोगाच्या अध्यक्षा रूपाली चाकणकर, भोर- राजगड -मुळशीचे आमदार शंकर मांडेकर, माजी उपसभापती सारिका मांडेकर यांच्यासह ारकरी संप्रदायातील मान्यवर व राष्ट्रवादीचे पदाधिकारी, कार्यकर्ते व ग्रामस्थ आदी मोठ्या संख्येने उपस्थित होते. यावेळी आदर्श गणेशोत्सव मंडळ स्पर्धेचे तसेच घरगुती गौरी -गणपती सजावट स्पर्धेचे बक्षीस वितरण करण्यात आले. तसेच महिलांसाठी लकी ड्रॉ स्पर्धा घेण्यात आली त्यासाठी प्रथम क्रमांक साठी दुचाकीचे बक्षीस ठेवण्यात आली होती. तसेच मानाच्या पैठण्यासह आकर्षक बक्षिसे ठेवण्यात आली होती. यावेळी मुळशी तालुक्यातील वारकरी दिंडी क्र. 96 यांना जागा घेण्यास तसेच श्रीसंतसेना महाराज नाभिक संघटना मुळशी यांना जागा घेण्यास आर्थिक मदत करण्यात आली. मुळशी तालुका पत्रकार संघाच्या इमारतीसाठी ही आर्थिक मदत करण्यात आली. दरमहा पंढरपूर वारी करणार्या वारकर्यांचा एका वर्षाच्या आर्थिक खर्चाची जबाबदारी घेण्यात आली. सामाजिक जाणीवेचे भान ठेवत अतिवृष्टीने नुकसान झालेल्या शेतकर्यांसाठीही मदत देण्यात आली. या कार्यक्रमास महिलांची उपस्थिती लक्षणीय होती. महिलांच्या कलागुणास वाव देणार्या कार्यक्रमामुळे परिसरातील माता -भगिनी मध्ये आनंदाचे, उत्साहाचे वातावरण होते.
