नवी दिल्ली – प्रसिद्ध उद्योगपती मुकेश अंबानी यांचे कुटुंब नेहमीच श्रद्धा भक्तीने देवाची पूजा करत असतात. अशात मुकेश अंबानी आणि त्यांचा मोठा मुलगा आकाश अंबानी गुजरातमधील सोमनाथ मंदिरात पोहोचले.

प्रसिद्ध उद्योगपती म्हणून ओळखले जाणारे मुकेश अंबानीसह त्यांचे कुटुंबही खूप प्रसिद्ध आहे. तसेच,  अंबानी कुटुंब त्यांच्या वैयक्तिक आयुष्यामुळे चर्चेत असतात.

पण त्याच दरम्यान, मुकेश अंबानी आणि त्यांचा मोठा मुलगा आकाश अंबानी गुजरातमधील प्रसिद्ध सोमनाथ मंदिरात पोहोचले आणि तिथून त्यांचे फोटो समोर आले आहेत.

मुकेश अंबानी आणि त्यांचा मुलगा आकाश अंबानी दर्शनासाठी मंदिरात पोहोचताच ट्रस्टचे अध्यक्ष पीके लाहिरी आणि ट्रस्टचे सचिव योगेंद्र भाई देसाई यांनी त्यांचे जोरदार स्वागत केले.  मुकेश अंबानी यांच्या वतीने सोमनाथ मंदिराच्या ट्रस्टला 1.5 कोटी रुपयांचा प्रसादही देण्यात आला आहे. यासोबतच मंदिराच्या बाजूने त्यांना भेटवस्तूही देण्यात आली. फोटोमध्ये मुकेश अंबानी आणि त्यांचा मुलगा आकाश अंबानी विधींसह भगवान शंकराचा अभिषेक करताना दिसत होते.

यासोबतच मुकेश अंबानी प्रत्येक सणाला भक्तीमध्ये तल्लीन झालेले दिसतात, आणि इतकेच नाही तर मुकेश अंबानी यांनी आतापर्यंत अनेक मोठ्या मंदिरांमध्ये मोठ्या प्रमाणात देणग्या दिल्या आहेत.