Mukesh Ambani: भारतातील उद्योगपती मुकेश अंबनी यांची रिलायन्स इंडस्ट्रीज अमेरिकेतील टेक्सास येथे 300 अब्ज डॉलरच्या गुंतवणुकीचा तेल शुद्धीकरण प्रकल्प उभारणार आहे. या संदर्भातील घोषणा अमेरिकेचे अध्यक्ष डोनाल्ड ट्रम्प यांनी केली. अमेरिकेत अशा प्रकारचा विशाल प्रकल्प प्रथमच सुरू होत असल्याचा दावा केला. 50 वर्षापासून अमेरिकेत एकही तेल शुद्धीकरण प्रकल्प उभारण्यात आला नव्हता. आता रिलायन्स इंडस्ट्रीज हा प्रकल्प अमेरिकेत मोठ्या गुंतवणुकीच्या आधारावर उभारणार आहे. अमेरिकेत उपलब्ध होणार्या क्रुडवर या प्रकल्पात प्रक्रिया केली जाणार आहे. या प्रकल्पातून रिलायन्स इंडस्ट्रीज प्रकल्प सुरू झाल्यानंतर वीस वर्षे काही प्रमाणात शुद्ध केलेले इंधन खरेदी करणार आहे. मला हे जाहीर करताना अभिमान वाटतो की ’अमेरिका फर्स्ट रिफायनिंग’ 50 वर्षांमध्ये टेक्सासमधील ब्राउन्सविले येथे पहिला नवीन तेल शुद्धीकरण प्रकल्प उभारत आहे, असे ट्रम्प यांनी म्हटले आहे. हेही वाचा – विमान प्रवास महागला! एअर इंडियाचा इंधन अधिभार लागू; खिशाला बसणार मोठा फटका ट्रम्प यांनी पोस्टमध्ये पुढू नमूद केले की, ऊर्जा क्षेत्रात अमेरिकेचे वर्चस्व पुन्हा एकदा दिसून येईल. हा सुमारे 300 दशलक्ष डॉलर्स किमतीचा करार आहे. ट्रम्प यांनी त्यानंतर भारताचे आभार मानले आणि सांगितले की हा करार जगातील सर्वात मोठ्या खासगी ऊर्जा कंपन्यांपैकी एक असलेल्या रिलायन्स इंडस्ट्रीजसोबत झाला आहे. या तेल शुद्धीकरण प्रकल्पाचा अमेरिकन बाजारपेठ आणि राष्ट्रीय सुरक्षेला मोठा कायदा होईल. ट्रम्प यांनी दावा केला की हा अमेरिकेतील सर्वात स्वच्छ शुद्धीकरण प्रकल्प असेल. यामुळे देशात नोकर्या वाढतील आणि आर्थिक विकासाला गती मिळेल. टेक्सास रिफायनरी हा तोच प्रकल्प आहे जो एलिमेंट फ्युएल्सने विकसित केला होता. त्यांनी जून 2024 मध्ये घोषणा केली होती की त्यांनी प्रकल्पाची तयारी पूर्ण केली आहे आणि दररोज सुमारे 160,000 बॅरल तेल प्रक्रिया करण्यास सक्षम प्रकल्प बांधण्यासाठी आवश्यक परवानग्या मिळाल्या आहेत.
