Air travel expensive: आखातातील युद्धामुळे विमानाच्या इंधनाच्या किमती वाढल्या आहेत. अशा परिस्थितीत विमानसेवेची किफायतशिरता टिकविण्यासाठी एअर इंडियाने आपल्या काही भागातील विमान सेवेवर शुल्क अधिभार लावण्याचा निर्णय घेतला आहे. त्यामुळे विमान प्रवास महागणार आहे. कंपनीने सांगितले की, सध्याचे परिस्थितीत आम्हाला विमानाचे तिकिटाचे दर वाढविण्याशिवाय पर्याय नव्हता. त्यानुसार देशांतर्गत विमान प्रवासावर 399रुपये, दक्षिण आशियातील विमान प्रवासावर 399 रुपये, पश्चिम आशिया व मध्यपूर्व आशियातील विमान प्रवासावर दहा डॉलर, आफ्रिकेतील विमान प्रवासावर 90 डॉलर विमान इंधन अधिभार लावण्यात आलेला आहे. हेही वाचा – खत उद्योगाला युद्धाचा फटका; गॅसअभावी अनेक कारखान्यांनी घेतली ‘मेंटेनन्स सुटी’ युरोपातील प्रवासावर 125 डॉलर, उत्तर अमेरिकेतील प्रवासावर 200 डॉलर आणि ऑस्ट्रेलियातील प्रवासावर 200 डॉलर अधिभार लावण्याचा निर्णय कंपनीने घेतला आहे. विमानाच्या इंधनाच्या किमती वाढल्यामुळे इतर विमान वाहतूक कंपन्या अशा प्रकारचा अधिभार नजीकच्या भविष्यात लावण्याची शक्यता व्यक्त करण्यात येत आहे.