MS Dhoni Attends IND vs ENG 1st ODI Stadium Radio Receiver Ear Device Viral Photo : भारत आणि इंग्लंड यांच्यातील पहिल्या वनडे सामन्यादरम्यान बर्मिंघमच्या एजबेस्टन मैदानावर एक असा चेहरा स्टँडमध्ये दिसला, ज्याने मैदानावरील खेळाडूंपेक्षाही जास्त लक्ष वेधलं. तो चेहरा इतर कोणाचा नसून धोनीचा होता. भारताचा सर्वात यशस्वी माजी कर्णधार एमएस धोनी स्वतः या हाय-व्होल्टेज सामन्याचा आनंद घेण्यासाठी स्टेडियममध्ये पोहोचला होता. कॅमेरा जसा स्टँडकडे फिरला आणि धोनीचा फोटो स्क्रीनवर झळकला, तसा चाहत्यांच्या आनंदाला पारावार उरला नाही. मात्र, सोशल मीडियावर धोनीच्या केवळ उपस्थितीचीच नाही, तर त्याच्या कानात असलेल्या एका लहान उपकरणाची (Device) सर्वाधिक चर्चा रंगली आहे.

धोनीच्या कानातले ‘ते’ रहस्यमय उपकरण काय आहे?

कौतुकाचा विषय ठरलेले हे उपकरण म्हणजे ‘मिनिएचर स्टेडियम रेडिओ रिसिव्हर’ (Miniature Stadium Radio Receiver) आहे. हे एक छोटेसे गॅझेट असून स्टेडियममध्ये बसलेल्या प्रेक्षकांना थेट बॉल-बाय-बॉल कॉमेंट्री ऐकण्याची सुविधा देते. इंग्लंडच्या क्रिकेट मैदानांवर सामना पाहताना रेडिओ कॉमेंट्री ऐकण्याची ही एक जुनी आणि अत्यंत लोकप्रिय परंपरा आहे. तिथले स्थानिक ब्रॉडकास्टर्स केवळ स्टेडियममधील प्रेक्षकांसाठी थेट ऑडिओ ब्रॉडकास्ट करतात, जे या छोट्या रिसिव्हरद्वारे ऐकता येते.

Safe to say, this kid has the best ‘guess who I sat next to’ story ever. 😎🤩#ENGvIND 1st ODI 👉 Streaming LIVE on JioHotstar! pic.twitter.com/xsm27mbXsE

— Star Sports (@StarSportsIndia) July 14, 2026

या उपकरणाच्या मदतीने धोनी मोठ्या स्क्रीन किंवा पब्लिक अनाउन्समेंटवर अवलंबून न राहता, मैदानातील थेट ॲक्शनसोबतच तज्ज्ञांचे विश्लेषण आणि खेळाडूंचे इनसाइट्स अगदी रिअल-टाईममध्ये ऐकत होता. हे उपकरण स्थानिक ट्रान्समिशन सिस्टीमवर चालत असल्याने स्टेडियमच्या बाहेर जाताच याचे सिग्नल बंद होतात.

हेही वाचा – Bumrah World Record : जसप्रीत बुमराहचा वर्ल्ड रेकॉर्ड! आंतरराष्ट्रीय क्रिकेटमध्ये ‘हे’ खास त्रिशतक करणारा पहिलाच भारतीय गोलंदाज

लहान चाहत्यासोबत खाल्ले पॉपकॉर्न –

Just MS Dhoni, popcorn and a wholesome moment 🤩pic.twitter.com/mf1v4zmMOF

— Cricbuzz (@cricbuzz) July 14, 2026

सामन्यादरम्यान धोनीने आपल्या एका कृतीने एका लहान चाहत्याचा दिवस अतिशय खास बनवला. धोनीच्या शेजारी बसलेला एक लहान मुलगा मॅच पाहत पॉपकॉर्न खात होता. त्या लहान चाहत्याने आपले पॉपकॉर्न थेट ‘माही’सोबत शेअर केले. धोनीनेही मोठ्या मनाने त्या लहान मुलाचा मान राखत हसत-हसत पॉपकॉर्न खाल्ले. धोनीच्या या साधेपणाच्या आणि गोड क्षणाच्या व्हिडिओने सोशल मीडियावर चाहत्यांची मने जिंकून घेतली आहेत.