Gauri Sprat : ‘मिस्टर परफेक्शनिस्ट’चं मन जिंकलं! आमिर खान पुन्हा विवाहबंधनात अडणार; कोण आहे गौरी स्प्रॅट?
Gauri Sprat : आमिर आणि गौरीचा विवाहसोहळा घरीच अगदी साध्या पद्धतीने पार पडणार आहे. या सोहळ्याला मोजक्याच लोकांना आमंत्रित करण्यात आलं आहे.
Gauri Sprat : आज ५ जुलै बॉलिवूडचा मिस्टर परफेक्शनिस्ट आमिर खानच्या आयुष्यातील एक अविस्मरणीय दिवस आहे. तो तिसऱ्यांदा बोहल्यावर चढणार आहे. आपली प्रेयसी गौरी स्प्रॅटशीसोबत लग्न करणार आहे. आमिरचं हे तिसरं लग्न असणार आहे. या लग्नाची जय्यत तयारी करण्यात आली असून, लग्नस्थळी सजावट करतानाचा व्हिडिओ सोशल मीडियावर व्हायरल होत आहेत.
आमिर आणि गौरीचा विवाहसोहळा घरीच अगदी साध्या पद्धतीने पार पडणार आहे. या सोहळ्याला मोजक्याच लोकांना आमंत्रित करण्यात आलं आहे. यामध्ये आमिरच्या मित्रपरिवार देखील आहे. आमिरच्या तिसऱ्या लग्न सोहळा १५० लोकांच्या उपस्थित पार पडणार आहे. या सोहळ्यात कुटुंबीय, आमिरचे जवळचे मित्र आणि चित्रपटसृष्टीतील निवडक सेलिब्रिटींचा समावेश असेल. आमिरची तीन मुलेही या सोहळ्याला उपस्थित राहणार आहेत. तसेच त्याची दुसरी पत्नी किरण राव देखील लग्नसोहळ्यात सहभागी होणार असल्याचे समजते. जेवणाचा मेन्यू साधा असून आमिर आणि गौरीच्या आवडीनुसार ठरवण्यात आला आहे.
आमिर खानची तिसरी पत्नी गौरी स्प्रॅट कोण आहे ? याविषयी चर्चा सुरू झाली असून तिच्याविषयी जाणून घेऊयात….
आमिर खान बॉलिवूड इंडस्ट्रीमध्ये सुपरस्टार आहे. त्याची होणारी पत्नी गौरी स्प्रॅट हिला मात्र प्रसिद्धीपासून दूर राहणे पसंत आहे. गौरी स्प्रॅटबद्दल फार कमी माहिती समोर आली आहे, पण मिळालेल्या माहितीनुसार तिची आई तमिळ आणि वडील आयरिश आहेत. गौरीचे आजोबा स्वातंत्र्यसैनिक होते. गौरी उच्चशिक्षितसुद्धा आहे. तिने लंडनच्या युनिव्हर्सिटी ऑफ द आर्ट्समधून फॅशन, स्टायलिंग आणि फोटोग्राफीमध्ये एफडीए (FDA) पदवी मिळवली आहे.
गौरी स्वतः एक व्यावसायिक केशभूषाकार आहे. तिच्या वैयक्तिक आयुष्याबद्दल बोलायचे झाल्यास गौरीचा तिच्या पहिल्या पतीपासून घटस्फोट झाला आहे. मात्र, तिच्या पूर्वाश्रमीच्या पतीबद्दल कोणतीही माहिती उपलब्ध नाही. गौरीला तिच्या पहिल्या लग्नापासून एक मुलगा आहे, जो तिच्यासोबत राहतो. तिच्या व्यावसायिक आयुष्याबद्दल बोलायचे झाल्यास गौरी आमिर खानच्या ‘आमिर खान फिल्म्स’ या प्रोडक्शन हाऊससाठी काम करते.
आमिर खानने २०२५ मध्ये त्याच्या ६० व्या वाढदिवशी गौरीसोबतचे आपले नाते अधिकृत केले. त्यावेळी आमिरने त्यांच्या नात्याला दुजोरा दिला आणि सांगितले की ते २५ वर्षांपासून एकमेकांना ओळखत होते आणि सुमारे दीड वर्षांपूर्वी ते पुन्हा एकत्र आले होते.
View this post on Instagram
आमिर खान हा बॉलिवूडमधील सर्वात श्रीमंत अभिनेत्यांपैकी एक आहे. आमिर खानच्या तुलनेत गौरीची एकूण संपत्ती खूपच कमी आहे. मॅजिक ब्रिक्सच्या एका अहवालानुसार, गौरीची एकूण संपत्ती २४ कोटी ते ४० कोटी रुपयांच्या दरम्यान आहे. लंडनमध्ये फॅशन आणि स्टायलिंगचे शिक्षण घेतलेली गौरी एक उद्योजिका आणि फॅशन स्टायलिस्ट आहे. ती ‘बी:ब्लंट’ नावाच्या कंपनीची संचालक आणि भागीदार आहे.
View this post on Instagram
आमिरचं पहिलं लग्न १९८६ मध्ये रीना दत्तासोबत झाले होते. मात्र, काही वर्षांनंतर त्यांचा घटस्फोट झाला. या लग्नापासून आमिरला दोन मुले आहेत. मुलगी आयरा खान आणि मुलगा जुनैद खान. रीनासोबत घटस्फोट झाल्यानंतर आमिरने दुसऱ्यांदा किरण रावसोबत लग्न केले. त्यांचं नातं १५ वर्ष टिकलं आणि ३ जुलै २०२१ दोघांनी सहमतीने आपल्या नात्याचा शेवट केला. या लग्नापासून आमिरला एक मुलगा आहे.
