Tanzania, Mount Kilimanjaro : पुण्यातील गिरिप्रेमी अॅडव्हेंचर फाऊंडेशनच्या 7 गिर्यारोहकांनी 15 ऑगस्ट रोजी स्वातंत्र्य दिनाचे औचित्य साधत, आफ्रिका खंडातील माऊंट किलीमंजारो या 5,895 मीटर उंच शिखरावर भारताचा तिरंगा ध्वज फडकवला. जगातील सात खंडांमधील सर्वात उंच सात शिखरांना जगामध्ये सेव्हेन समिटस् म्हणून ओळखले जाते. यापैकीच एक म्हणजे आफ्रिका खंडातील माऊंट किलीमांजारो.

टांझानिया देशाच्या ईशान्य भागात केन्याच्या सीमेजवळ स्थित ह्या पर्वताची उंची 19,341 फूट ( 5,895 मी) इतकी आहे. हा पर्वत ज्वालामुखीच्या उद्रेकाने तयार झाला असून कोणत्याही पर्वतरांगेचा भाग नसलेला हा जगातील सर्वात उंच पर्वत आहे.

पुण्यातील गिरिप्रेमी अॅडव्हेंचर (जी. ए. एफ) तर्फे आयोजित करण्यात आलेल्या या मोहिमेत भारत आणि हाँग काँग मधून 14 गिर्यारोहकांनी सहभाग घेतला होता. जी. ए. एफ. चा गिर्यारोहक अंकित सोहनी याच्या नेतृत्वाखाली शशिकांत हिरेमठ, सुभाष पवार, मंगेश गोखले, अनिरुद्ध देशपांडे, वैभवी देशमुख आणि अंजली हजारी यांनी 15 ऑगस्ट रोजी तब्बल 11 तासांची चढाई करून सकाळी 10 वाजून 35 मिनिटांनी माऊंट किलीमंजारोचा शिखरमाथा गाठला व भारताचा तिरंगा ध्वज फडकवत राष्ट्रगीत गायले.

Javelin Throw : गोल्डनबॉय नीरज चोप्रा लवकरच पुन्हा एकदा दिसणार ॲक्शनमध्ये, ‘या’ लीगमध्ये सहभागी होण्याचा घेतला निर्णय…

यांच्याचसोबत आसावरी जोशी, सुचेता मोहिते, विक्रम दौंडकर, संजय भापकर यांनी 5,756 मीटर उंचीवरील स्टेला पॉइंट पर्यंत चढाई केली. तर मेधा मेडसिकर, शर्मिला फर्नांडिस, माधवी रेनुसे, संगीता शालगर यांनी 5100 मीटर पर्यंत चढाई करत संघाला साथ दिली. या मोहिमेसाठी संघ गेली सहा महिने सराव करत होता. ज्येष्ठ गिर्यारोहक आणि शिव छत्रपती पुरस्कार प्राप्त उमेश झिरपे यांनी या संघाला मार्गदर्शन केले.