AutoPay : खात्यातून परस्पर पैसे कटतायत? Google Pay, PhonePe आणि Paytmवर ‘ऑटोपे’ सुविधा अशी करा बंद

AutoPay : डिजिटल पेमेंटच्या वाढत्या वापरामुळे ‘ऑटोपे’ (AutoPay) किंवा ‘ऑटो डेबिट’ ही सुविधा अत्यंत लोकप्रिय झाली आहे. याद्वारे मोबाईल रिचार्ज, ओटीटी सबस्क्रिप्शन, वीज बिल, ईएमआय किंवा एसआयपीचे पेमेंट आपोआप वेळेवर पूर्ण होते.

मात्र, अनेकदा वापरकर्त्यांना आपल्या खात्यातून कोणत्या सेवांसाठी पैसे कापले जात आहेत याची कल्पना नसते, ज्यामुळे आर्थिक नियोजन कोलमडू शकते. ही गैरसोय टाळण्यासाठी हे पेमेंट थांबवण्याचे दोन मार्ग आहेत; एक म्हणजे काही काळासाठी पेमेंट ‘पॉज’ करणे किंवा ते कायमचे ‘कॅन्सल’ करणे.