Mom 2 | boney kapoor | janhvi kapoor | khushi kapoor | sridevi : ज्येष्ठ अभिनेत्री ‘श्रीदेवी’ आता या जगात नाहीत पण त्या त्यांच्या चित्रपटांद्वारे चाहत्यांच्या हृदयात आज देखील जिवंत आहेत. श्रीदेवी शेवटची २०१७ मध्ये आलेल्या ‘मॉम’ चित्रपटात दिसली होती. श्रीदेवीनंतर आता तिच्या दोन्ही मुली जान्हवी कपूर आणि खुशी कपूर यांनी बॉलिवूडमध्ये प्रवेश केला आहे. अलिकडेच, चित्रपट निर्माते आणि श्रीदेवी यांचे पती बोना कपूर यांनी खुलासा केला आहे की ते ‘मॉम २’ बनवण्याची तयारी करत आहेत. यावेळी त्यांनी सांगितले होत की, या सिनेमात त्यांच्या एका मुलीला घेण्याचा विचार करत आहेत जी तिच्या आईच्या पावलावर पाऊल ठेवत आहे. आयफा २०२५ च्या ग्रीन कार्पेटवर माध्यमांशी बोलताना बोनी कपूर यांनी त्यांच्या मुली खुशी कपूर आणि जान्हवी कपूर यांचे कौतुक केले आणि सांगितले की त्यांना आशा आहे की त्यांच्या दोन्ही मुली त्यांच्या आईप्रमाणे यशस्वी होतील. खुशी कपूर ‘मॉम २’ मध्ये दिसू शकते : बोनी कपूर यांनी खुलासा केला की ते त्यांची धाकटी मुलगी खुशी कपूरला ‘मॉम २’ मध्ये कास्ट करण्याची योजना आखत आहेत. ‘मी खुशीचे सर्व चित्रपट पाहिले आहेत. आर्चीज, लव्हयापा आणि नादानियान. ‘नो एंट्री’ नंतर, मी तिच्यासोबत एक चित्रपट बनवण्याची योजना आखत आहे. हा आनंद देणारा चित्रपट असेल. ही मॉम २ असू शकते. ती तिच्या आईच्या पावलावर पाऊल ठेवण्याचा प्रयत्न करत आहे. आई ज्या ज्या भाषांमध्ये काम करत होती त्या सर्व भाषांमध्ये ती एक अव्वल स्टार होती. मला आशा आहे की खुशी आणि जान्हवी देखील या पातळीवर पोहोचू शकतील. खुशी कपूरची बॉलिवूड कारकीर्द : खुशी कपूरने २०२३ मध्ये नेटफ्लिक्सवर प्रदर्शित झालेल्या ‘द आर्चीज’ चित्रपटातून बॉलिवूडमध्ये पदार्पण केले होते. त्याच वर्षी तिचा ‘लवयापा’ हा चित्रपट प्रदर्शित झाला ज्यामध्ये आमिर खानचा मुलगा जुनैद खान तिच्यासोबत दिसला होता. आता अलिकडेच खुशी कपूर ‘नादानियां’ चित्रपटात दिसली. या चित्रपटात सैफ अली खानचा मुलगा इब्राहिम अली खान त्याच्यासोबत दिसत आहे. या चित्रपटाद्वारे इब्राहिमने बॉलिवूडमध्ये पदार्पण केले आहे.
