Mohammad Kaif Statement On Rohit Sharma Retirement after Lords Century : भारतीय क्रिकेट संघ सध्या संक्रमणाच्या (Transition) टप्प्यातून जात असताना कर्णधार रोहित शर्माच्या (Rohit Sharma) भवितव्याबद्दल क्रिकेट वर्तुळात जोरदार चर्चा रंगल्या आहेत. इंग्लंडविरुद्धच्या मालिकेतील सुरुवातीच्या अपयशानंतर रोहित लॉर्ड्सच्या ऐतिहासिक मैदानावर आंतरराष्ट्रीय कारकिर्दीतील शेवटचा सामना खेळणार, अशा चर्चांना उधाण आले होते. मात्र, याच मैदानावर १३८ धावांची धुवांधार शतकी खेळी करत रोहितने लॉर्ड्सवर वनडे शतक ठोकणारा पहिला भारतीय फलंदाज बनण्याचा मान मिळवला आणि टीकाकारांची तोंडे गप्प केली. या शतकानंतर भारताचा माजी क्रिकेटपटू मोहम्मद कैफने (Mohammad Kaif) रोहितच्या भविष्यावर मोठे विधान केले आहे.

“रोहित स्वतःहून निवृत्ती घेणार नाही!”

आपल्या युट्यूब चॅनलवर बोलताना मोहम्मद कैफ म्हणाला की, लॉर्ड्सवरील या शतकाच्या माध्यमातून रोहित शर्माने निवडकर्ते (Selectors) आणि संघ व्यवस्थापनाला अत्यंत स्पष्ट संदेश दिला आहे. “रोहितचा संदेश अगदी साफ आहे – ‘मी चांगला खेळत नसेल, तर तुम्ही निर्णय घ्या आणि मला ड्रॉप करा. पण मी स्वतःहून निवृत्ती घेणार नाही.’ लॉर्ड्समधील त्याची आक्रमक फलंदाजी आणि शतक हेच त्याचे थेट उत्तर आहे. आता पुढे काय करायचे, हा पूर्णपणे निवडकर्त्यांचा निर्णय असेल.”

संघ व्यवस्थापनाने स्पष्ट भूमिका घ्यावी!

Rohit Sharma has now decided he will not walk away on his own, says Mohammad Kaif

Mohammad Kaif said:

“Yes, one thing has become clear. At times, members of the coaching staff come out and say, ‘We have given Rohit Sharma complete freedom to play his natural game.’ But nobody… pic.twitter.com/DVaWAp2jUT

— Cricket Hub (@Anurag9793) August 4, 2026

कैफ पुढे म्हणाला की, रोहितला नैसर्गिक खेळ खेळण्याचे स्वातंत्र्य दिले असल्याचे प्रशिक्षक सांगतात, मात्र २०२७ च्या वनडे विश्वचषकासाठी (2027 ODI World Cup) रोहित शर्मा संघाच्या योजनांचा भाग आहे की नाही, हे संघ व्यवस्थापनाने जाहीरपणे स्पष्ट केलेले नाही. “प्रत्येक खेळाडूच्या कारकिर्दीत चढ-उतार येतात. पण संघ व्यवस्थापनाने त्याच्या पाठीशी ठामपणे उभे असल्याचे सार्वजनिकरीत्या सांगणे गरजेचे आहे. तसे न झाल्यामुळेच बाहेर अनेक तर्क-वितर्क लावले जात आहेत.”

हेही वाचा – Blind Cricketer Honor : अंध महिला टी-२० विश्वचषक विजेत्या भारतीय संघाचा राजभवनात गौरव! राज्यपाल जिष्णु देव वर्मा यांच्या हस्ते विशेष सत्कार

आता रोहितचे भवितव्य केवळ त्याच्या आगामी कामगिरीवर आणि निवडकर्त्यांच्या भूमिकेवरच ठरणार आहे.