Modi-Xi Jinping : पंतप्रधान नरेंद्र मोदी आणि चीनचे अध्यक्ष शी जिनपिंग (Modi-Xi Jinping) यांच्यात शनिवारी चर्चा झाली. चांगल्या संबंधांसाठी सीमेवर शांतता आवश्‍यक आहे. सीमा व्यवस्थापनाशी संबंधित अस्तित्वात असणाऱ्या करारांचे काटेकोर पालन व्हायला हवे, अशी स्पष्ट भूमिका मोदींनी चर्चेवेळी मांडली.

भारत आणि चीनमधील मतभेदांचे रूपांतर वादांमध्ये होऊ नये. दोन्ही देशांनी परस्पर संबंधांकडे (Modi-Xi Jinping) दीर्घकालीन दृष्टीकोनातून पाहायला हवे, अशी महत्वाची बाब मोदी आणि जिनपिंग यांनी अधोरेखित केली. आर्थिक आघाडीवर एकमेकांच्या चिंता दूर करायला हव्यात, याविषयी दोन्ही नेत्यांनी सहमती दर्शवली.

दोन्ही देशांमधील संबंध परस्पर सन्मान, परस्परांविषयी संवेदनशीलता आणि परस्परांविषयीचे हित याबाबींवर आधारलेले असावे, या भूमिकेवर मोदींनी चर्चेवेळी भर दिला. साधारण वर्षभरापूर्वी मोदी आणि जिनपिंग (Modi-Xi Jinping) यांच्यात चीनमध्ये व्यापक द्विपक्षीय मुद्द्यांवर चर्चा झाली.

त्यानंतर दोन्ही देशांच्या संबंधांमध्ये स्थिर स्वरूपात होत असलेल्या प्रगतीचे यावेळच्या चर्चेत त्यांनी स्वागत केले. आता मोदी आणि जिनपिंग यांच्यात पुन्हा घडलेला संवाद दोन्ही देशांसाठी हितकारक मानला जात आहे.