Maharashtra Politics : राज ठाकरेंचा एकनाथ शिंदेंसह छावा संघटनेला दणका; 350 कार्यकर्त्यांचा मनसेत प्रवेश
Maharashtra Politics : महाराष्ट्र नवनिर्माण सेनेने कोकणात, विशेषतः दक्षिण रत्नागिरी जिल्ह्यात आपली संघटनात्मक ताकद वाढवण्याच्या दृष्टीने मोठे पाऊल उचलले आहे.

Maharashtra Politics : राज्याच्या राजकारणात विविध घडामोडींना वेग आला असतानाच महाराष्ट्र नवनिर्माण सेनेने दक्षिण रत्नागिरीत आपली संघटनात्मक ताकद वाढवण्याच्या दृष्टीने महत्त्वाचे पाऊल उचलले आहे. छावा संघटनेच्या जिल्हाध्यक्षांसह तब्बल 350 पदाधिकारी आणि कार्यकर्त्यांनी मनसेत प्रवेश केला आहे. (Maharashtra Politics)
यामध्ये एकनाथ शिंदे यांच्या शिवसेनेतील काही पदाधिकाऱ्यांचाही समावेश असल्याची माहिती समोर आली आहे. मनसेचे दक्षिण रत्नागिरी जिल्हाध्यक्ष अविनाश सौंदळकर यांच्या नेतृत्वाखाली हा पक्षप्रवेश सोहळा पार पडला. (Maharashtra Politics)
अमित ठाकरेंच्या उपस्थितीत पक्षप्रवेश
मुंबईतील मनसे अध्यक्ष राज ठाकरे यांच्या निवासस्थानी ‘शिवतीर्थ’ येथे दुपारी एक वाजता हा पक्षप्रवेश सोहळा आयोजित करण्यात आला होता. मनसे नेते अमित ठाकरे यांच्या उपस्थितीत छावा संघटनेचे जिल्हाध्यक्ष संतोष धावडे यांच्यासह अनेक पदाधिकारी आणि कार्यकर्त्यांनी मनसेचा झेंडा हाती घेतला. या प्रवेशामुळे दक्षिण रत्नागिरीतील मनसेच्या संघटनात्मक ताकदीत वाढ होण्याची शक्यता व्यक्त केली जात आहे. (Maharashtra Politics)
दक्षिण रत्नागिरीत राजकीय समीकरणे बदलणार?
छावा संघटनेच्या दक्षिण रत्नागिरीतील कार्यकर्त्यांनी मनसेला पाठिंबा देण्याचा निर्णय घेतल्याने जिल्ह्यातील राजकीय समीकरणांवर त्याचा परिणाम होऊ शकतो. विशेष म्हणजे, येत्या काही दिवसांत आणखी महत्त्वाचे पक्षप्रवेश होणार असल्याचे संकेतही यावेळी देण्यात आल्याची माहिती आहे. (Maharashtra Politics)
दक्षिण रत्नागिरीत मनसेची संघटना मजबूत करण्यासाठी अमित ठाकरे यांनी मोर्चेबांधणी सुरू केल्याची चर्चा राजकीय वर्तुळात रंगली आहे. त्यामुळे आगामी काळात कोकणातील राजकीय घडामोडींकडे सर्वांचे लक्ष लागले आहे. (Maharashtra Politics)





