MLC Election : राज्यातील स्थानिक स्वराज्य संस्था मतदारसंघातून निवडून द्यायच्या विधानपरिषदेच्या १७ जागांसाठी निवडणूक कार्यक्रम जाहीर झाला आहे. यामध्ये धाराशिव-बीड-लातूर स्थानिक स्वराज्य संस्था मतदारसंघाचाही समावेश असून महायुतीत उमेदवारीवरून मोठी चुरस निर्माण होण्याची शक्यता आहे. (MLC Election) निवडणूक आयोगाने जाहीर केलेल्या कार्यक्रमानुसार उमेदवारी अर्ज दाखल करण्याची अंतिम तारीख १ जून आहे. १८ जून रोजी मतदान होणार असून २२ जूनला मतमोजणी पार पडणार आहे. (MLC Election) भाजपमध्ये तीन नावांची जोरदार चर्चा धाराशिव-बीड-लातूर मतदारसंघातून भाजपकडून माजी मंत्री बसवराज पाटील, भाजपा जिल्हाध्यक्ष दत्ता कुलकर्णी आणि अर्चना पाटील-चाकूरकर यांची नावे चर्चेत असल्याचे बोलले जात आहे. (MLC Election) विशेष म्हणजे, बीड जिल्हा परिषदेची निवडणूक अद्याप झालेली नसतानाही “७५ टक्क्यांपेक्षा अधिक मतदार उपलब्ध” या नियमाच्या आधारे निवडणूक आयोगाने हा मतदारसंघ निवडणुकीसाठी पात्र ठरवला आहे. (MLC Election) २०१८ मध्ये भाजपचा विजय २०१८ च्या विधानपरिषद निवडणुकीत सुरेश धस यांनी राष्ट्रवादी काँग्रेसच्या पाठिंब्याने मैदानात उतरलेले अपक्ष उमेदवार अशोक जगदाळे यांचा ७२ मतांनी पराभव केला होता. यावेळीही भाजपसाठी वातावरण अनुकूल मानले जात असले तरी पक्षांतर्गत स्पर्धेमुळे समीकरणे बदलू शकतात. (MLC Election) जळगावमध्येही महायुतीत रस्सीखेच दरम्यान, जळगावमध्ये तब्बल १० वर्षांनंतर विधानपरिषद निवडणूक होत असून महायुतीत उमेदवारीसाठी अनेक इच्छुक पुढे आले आहेत. भाजपकडून डॉक्टर केतकी पाटील,अमोल शिंदे, नंदकुमार अडवाणी व शिवसेना शिंदे कडून मंत्री गुलाबराव पाटलांचे पुत्र प्रताप पाटील यांचे नाव चर्चेत आहे. (MLC Election) महाविकास आघाडीचीही तयारी महाविकास आघाडीकडूनही उमेदवार देण्याची शक्यता वर्तवली जात आहे. त्यामुळे स्थानिक स्वराज्य संस्था मतदारसंघातील या निवडणुका अत्यंत चुरशीच्या होण्याची शक्यता असून राज्यातील राजकीय वातावरण आणखी तापण्याचे संकेत मिळत आहेत. (MLC Election)