Nitesh Rane post : आज देशभरात विजयादशमी अर्थात दसरा हा सण मोठ्या उत्साहात साजरा केला जात आहे. राष्ट्रीय स्वयंसेवक संघाचे शताब्दी वर्ष असल्याने त्याचे औचित्य साधत नागपूर येथील रेशीमबाग मैदानावर साजरा केला जात आहे. दरम्यान सिंधुदुर्ग येथील संघाच्या एका शाखेत आयोजित कार्यक्रमात राज्याचे मत्स्य व बंदरे विकास मंत्री नितेश राणे हे देखील सहभागी झाले होते. त्यांनी खाकी पॅन्ट, पांढरा शर्ट व डोक्यावर काळी डोपी अशा स्वरुपात संघाच्या गणवेशात दिसले. यामुळे अनेकांच्या भुवय्या उंचावल्या असून, त्यांनी सोशल मीडियावरून पोस्ट शेअर केल्यानंतर आता त्यांच्या जुन्या वक्तव्याची चर्चा सुरू झाली आहे. नितेश राणे यांनी राष्ट्रीय स्वयंसेवक संघाच्या शताब्दी वर्षानिमित्त सिंधुदुर्ग जिल्ह्यातील देवगड तालुक्यातील मीठबाव येथील संघ शाखेला भेट दिली. या कार्यक्रमात त्यांनी सहभाग घेतला. याप्रसंगी त्यांनी काही फोटो त्यांच्या सोशल मीडियावरून शेअर केले आहेत. यावर आता वेगवेगळ्या कमेंट्स करण्यात आल्या आहेत. त्यांनी फोटोसोबत पोस्टही शेअर केली आहे. संघाचे विचार, राष्ट्रासाठी जगण्याची प्रेरणा आणि हिंदुत्वाचा अभिमान हीच खरी भारताची ताकद आहे! जय हिंद, जय हिंदुत्व! असे त्यांनी पोस्टमध्ये म्हटले आहे. राष्ट्रीय स्वयंसेवक संघाने गेल्या १०० वर्षांत अनुशासन, राष्ट्रभक्ती, सेवा आणि चारित्र्यनिर्मितीचा जो दीप प्रज्वलित केला आहे, तो आज संपूर्ण देशाला दिशा दाखवतो आहे. याच ऐतिहासिक प्रसंगी सिंधुदुर्ग जिल्ह्यातील देवगड तालुक्यातील मिठबाव येथील संघाच्या शाखेला भेट देऊन संघ… pic.twitter.com/HD7XjzPD0z — Nitesh Rane (@NiteshNRane) October 1, 2025 नितेश राणे यांची पोस्ट राष्ट्रीय स्वयंसेवक संघाने गेल्या १०० वर्षांत अनुशासन, राष्ट्रभक्ती, सेवा आणि चारित्र्यनिर्मितीचा जो दीप प्रज्वलित केला आहे, तो आज संपूर्ण देशाला दिशा दाखवतो आहे. याच ऐतिहासिक प्रसंगी सिंधुदुर्ग जिल्ह्यातील देवगड तालुक्यातील मिठबाव येथील संघाच्या शाखेला भेट देऊन संघ स्वयंसेवकांसोबत विजयादशमीचा उत्सव साजरा केला. यावेळी स्वयंसेवकांशी संवाद साधला तसेच संचलनात सहभागी होऊन त्या उर्जेचा अनुभव घेतला. संघाचे हे शताब्दी वर्ष केवळ उत्सव नाही, तर भविष्यातील भारताचा अढळ निर्धार आहे. संघाचे विचार, राष्ट्रासाठी जगण्याची प्रेरणा आणि हिंदुत्वाचा अभिमान हीच खरी भारताची ताकद आहे! जय हिंद, जय हिंदुत्व! मंत्री नितेश राणे हे भारतीय जनता पार्टीत प्रवेश करण्याअगोदर काँग्रेस पक्षात होते. त्यावेळी संघाच्या विचारधारेवर त्यांनी सातत्याने टीका केली होती. आज नितेश राणे संघाच्या कार्यक्रमात सहभागी झाले होते. त्यांचा सहभाग पाहून नेटकऱ्यांनी त्यांच्या जुन्या वक्तव्यांची आठवण करून देत त्यांना ट्रोल केले आहे. नितेश राणे यांनी जुन्या त्यांच्या भाजपमध्ये जाण्याअगोदर अनेकवेळा हाफ चड्डीवाले असा उल्लेख करत डिवचण्याचा प्रयत्न केला होता. हेही वाचा : “स्वदेशी वस्तूंचं अवलंब अन् स्वावलंबन हाच एकमेव मार्ग” ; मोहन भागवत यांनी दिला टॅरिफवर स्वदेशी मंत्र
