Marathi Serial : मराठी मनोरंजन विश्वात सध्या स्टार प्रवाह वाहिनीची जोरदार चर्चा सुरू आहे. टीआरपीच्या शर्यतीत आघाडी कायम राखण्यासाठी वाहिनीने अलीकडेच तब्बल आठ नव्या मालिकांची घोषणा केली आहे.  (Marathi Serial)

त्याचबरोबर काही जुन्या मालिकांना निरोप देण्याची प्रक्रियाही सुरू झाली असून, ‘मी सावित्रीबाई ज्योतिराव फुले’ ही मालिका बंद करण्याचा निर्णय घेण्यात आला आहे. मात्र, अश्यातच आणखी एक मालिका बंद होण्याच्या मार्गावर असल्याचं दिसत आहे.   (Marathi Serial)

दरम्यान, स्टार प्रवाहने नुकताच ‘विसरू नको तू मला’ या नव्या मालिकेचा प्रोमो प्रेक्षकांच्या भेटीला आणला. ही मालिका २९ जूनपासून दररोज संध्याकाळी ७ वाजता प्रसारित होणार असल्याचे वाहिनीकडून जाहीर करण्यात आले आहे.   (Marathi Serial)

मात्र, सध्या याच वेळेत मृणाल दुसानीस आणि ज्ञानदा रामतीर्थकर यांच्या प्रमुख भूमिका असलेली ‘लग्नानंतर होईलच प्रेम’ ही मालिका दाखवली जाते. त्यामुळे प्रेक्षकांच्या मनात अनेक प्रश्न निर्माण झाले आहेत.   (Marathi Serial)

 

नव्या मालिकेला ७ वाजताचा स्लॉट देण्यात आल्याने ‘लग्नानंतर होईलच प्रेम’ ही मालिका बंद होणार का? की तिची वेळ बदलली जाणार? अशी चर्चा सोशल मीडियावर रंगू लागली आहे. अनेक चाहत्यांनी याबाबत चिंता व्यक्त केली असून, मालिकेच्या भवितव्याबाबत उत्सुकता वाढली आहे.  (Marathi Serial)

सध्या ‘लग्नानंतर होईलच प्रेम’ मालिकेत सुरू असलेल्या कथानकाचा विचार करता, काही प्रेक्षक मालिका लवकरच संपुष्टात येऊ शकते, असा अंदाज व्यक्त करत आहेत. तर काहींच्या मते, मालिका बंद न होता तिला दुपारच्या स्लॉटमध्ये हलवले जाऊ शकते.  (Marathi Serial)

मात्र, या सर्व चर्चांदरम्यान स्टार प्रवाह वाहिनीने अद्याप ‘लग्नानंतर होईलच प्रेम’ मालिकेबाबत कोणतीही अधिकृत घोषणा केलेली नाही. त्यामुळे मालिकेची वेळ बदलणार की ती प्रेक्षकांचा निरोप घेणार, याबाबतचे चित्र अद्याप स्पष्ट झालेले नाही.  (Marathi Serial)

दरम्यान, ‘विसरू नको तू मला’ या नव्या मालिकेत लोकप्रिय अभिनेता शाल्व किंजवडेकर आणि अभिनेत्री तन्वी मुंडले यांची नवी जोडी प्रेक्षकांना पाहायला मिळणार आहे. त्यामुळे या मालिकेबाबतही चाहत्यांमध्ये मोठी उत्सुकता निर्माण झाली आहे.   (Marathi Serial)