Meri Millben:  प्रसिद्ध अमेरिकन गायिका मेरी मिलबेन यांनी ‘कॉकरोच जनता पार्टी’चे संस्थापक अभिजीत दीपके यांच्यावर एक गंभीर आरोप केला आहे. त्यांनी असा आरोप केला आहे की, अभिजीत दीपक आणि सीजेपीला अमेरिकेकडून निधी मिळत आहे. यावर प्रत्युत्तर देताना अभिजीत दीपके यांनी, “इतर देशांतील लोक आमच्या अंतर्गत बाबींमध्ये हस्तक्षेप का करत आहेत?” असा सवाल केला. त्याला देखील अमेरिकन गायिकेने प्रत्युत्तर दिले आहे.

अभिजीत दीपके यांच्या प्रतिक्रियेनंतर, या अमेरिकन गायिकेने पुन्हा एकदा सोशल मीडियावर एक पोस्ट केली आहे.  त्यामध्ये त्यांनी अभिजीत दिपके यांना पंतप्रधान नरेंद्र मोदी यांच्यासोबत मिळून काम करण्याचा सल्ला दिला आहे. आपल्या पोस्टमध्ये मेरी यांनी ,” पंतप्रधान नरेंद्र मोदींसोबत बसा आणि एक सकारात्मक आवाज बना..” असे म्हटले आहे.

गायिका मेरी मिलबेन यांनी पुढे बोलताना, “हे अभिजीत, सत्य सर्वांना मुक्त करते, आणि तुलाही. सत्य हे आहे की: जेव्हा तू यशस्वी होणार नाहीस, तेव्हा हे अमेरिकन देणगीदार तुला तात्काळ सोडून देतील. तू यशस्वी होणार नाहीस, कारण बेकायदेशीर कृत्ये कधीच यशस्वी होत नाहीत. त्याऐवजी, तुझे अमेरिकन शिक्षण आणि प्रतिभा चांगल्या कामासाठी वापर. पंतप्रधान नरेंद्र मोदींसोबत बसा आणि भारताच्या प्रगतीसाठी एक सकारात्मक आवाज बना. योग्य गोष्ट करण्याच्या तुझ्या धैर्याचे सत्य तुझ्या पुढील पावलांमध्ये दिसून येईल. पंतप्रधान मोदींना अमेरिकेच्या पाठिंब्याची गरज नाही. त्यांना दीड अब्ज अद्भुत भारतीय नागरिकांचा पाठिंबा आहे, आणि त्यांनी गेल्या २५ वर्षांपासून—पंतप्रधान म्हणून १२ वर्षे, सलग तीन कार्यकाळ—त्यांना पाठिंबा दिला आहे. आणि ते २०२९ मध्येही तसाच पाठिंबा देतील, हेच सत्य आहे.”असे म्हटले आहे.

Oh dear @abhijeet_dipke, the truth sets everybody free. Even you. And here’s the truth: these US donors will drop you like a hot cake when you don’t succeed. And you won’t, because lawlessness never wins. Instead, take your U.S. education, talent, and use it for good. Sit down with the PM @narendramodi and be a positive voice to advance India. The truth of your courage to do what’s right lies in your next steps.

And the PM doesn’t need American support. He has 1.5 billion beautiful Indian citizens who support him and have for 25 years, 12 years as PM, three consecutive terms. And will again in 2029. That’s the truth.

— Mary Millben (@MaryMillben) October 14, 2026

अभिजीतने प्रत्युत्तर दिले Meri Millben: 
जेव्हा अमेरिकन गायिकेने अभिजीत दीपकेवर आरोप केला, तेव्हा सीजेपीच्या संस्थापकाने प्रत्युत्तर दिले, “मोदी आपल्याच देशबांधवांना बदनाम करण्यासाठी अमेरिकेचा पाठिंबा का मागत आहेत? परदेशी नागरिकांना भारताच्या अंतर्गत बाबींमध्ये हस्तक्षेप करण्याचा अधिकार कोणी दिला? आम्ही आमचे प्रश्न स्वतः हाताळण्यास पूर्णपणे सक्षम आहोत. आम्हाला आमच्या देशाच्या कारभारात बाहेरील लोकांच्या हस्तक्षेपाची गरज नाही.”असे देखील ते म्हणाले.

अमेरिकन गायिकेने एका पोस्टमध्ये हे आरोप केले होते. तिने लिहिले, “भारतातील सर्व सुंदर तरुण देशभक्तांनो—आता गप्प बसण्याची वेळ नाही. अभिजीत दीपक आणि सीजेपी यांना अमेरिकन देणगीदारांकडून निधी मिळतो, जे पंतप्रधान नरेंद्र मोदी आणि त्यांच्या नेतृत्वाखालील तुमच्या भविष्याच्या विरोधात आहेत. घाबरू नका,

माझ्या तरुण देशभक्तांनो. तुमचे पंतप्रधान, ज्यांनी २५ वर्षे भारताची सेवा केली आहे, त्यापैकी १२ वर्षे पंतप्रधान म्हणून, सलग तीन वेळा निवडून आले आहेत, ते माझ्या देशातील विघटनकारी शक्तींपुढे झुकणार नाहीत. या निवडक देणगीदारांची जगभरात एक पद्धत आहे—पुराणमतवादी जागतिक नेत्यांना लक्ष्य करणे, अमेरिकेत शिक्षण घेतलेल्या देशातील एखाद्या व्यक्तीला शोधणे, त्यांना कट्टर बनवणे, त्यांना देशात परत पाठवणे आणि अराजकता व विध्वंस घडवण्यासाठी त्यांना निधी देणे. त्यांच्यापैकी कोणीही यशस्वी झाले नाही, परंतु त्यांनी देशाच्या विकासावर आणि प्रशासनावर परिणाम केला आहे.” Meri Millben: 

अमेरिकन गायिकेने म्हटले की, “आता भारतात एका नव्या आवाजाची वेळ आली आहे, जो भारतीय भूमीवर जन्मलेला, वाढलेला आणि शिकलेला असेल, त्याने पुढे येऊन, संघटित होऊन, झुरळ पक्षाच्या विघटनकारी वृत्तीला शांततेने विरोध करावा. ते म्हणाले की लोकशाही आणि स्वातंत्र्याचे रक्षण करण्यासाठी नेहमीच एक प्रति-चळवळ असली पाहिजे. उठा, तरुण देशभक्तांनो! उठा!”

कॉकरोच  जनता पक्षाचे (सीजेपी) संयोजक अभिजित दीपके यांनी बुधवारी आपण कोणत्याही राजकीय पक्षाचा भाग असल्याचा स्पष्टपणे इन्कार केला. दीपके म्हणाले की, मुख्य निवडणूक आयुक्त ज्ञानेश कुमार यांच्या विरोधात त्यांच्या संघटनेचे आंदोलन आणि इंडिया ब्लॉक आंदोलने यांचा उद्देश एकच आहे.