नवी दिल्ली – फिल्मी दुनियेत तुम्ही अनेक कलाकारांच्या मैत्रीची उदाहरणे ऐकली असतील, पण आज फ्रेंडशिप डेच्या निमित्ताने आम्ही तुम्हाला फिल्मी दुनियेतील दोन दिग्गज व्यक्तींची ओळख करून देत आहोत. हे दोन महान व्यक्तिमत्त्व म्हणजे दक्षिण इंडस्ट्रीतील थलैवा रजनीकांत आणि बॉलीवूडचे दमदार अभिनेते अनुपम खेर. त्यांच्या मैत्रीबद्दल तुम्ही कधीच ऐकले नसेल. पण अनुपम खेर यांनी रजनीकांतसोबतचा एक फोटो शेअर करून चाहत्यांची मने जिंकली आहेत.

 

View this post on Instagram

 

A post shared by Anupam Kher (@anupampkher)

अनुपम खेर यांनी रजनीकांत यांची घेतली भेट
बॉलिवूडचे मोस्ट डिमांड असलेले अभिनेते अनुपम खेर यांनी राष्ट्रपती भवनातून रजनीकांतसोबतचे दोन फोटो शेअर केले आहेत. फोटोमध्ये अनुपम खेर आणि रजनीकांत हसत हसत कॅमेऱ्याकडे पोज देताना दिसत आहेत. दोघेही एकमेकांसोबत खूप आनंदी दिसत आहेत. रजनीकांत आणि अनुपम खेर यांचा हा फोटो सोशल मीडियावर धुमाकूळ घालत आहे.

अनुपम खेर यांनी रजनीकांतसाठी खास संदेश लिहिला
अनुपम खेर यांनी फोटो शेअर करताना कॅप्शनमध्ये रजनीकांतला आपला मित्र असे वर्णन केले आहे. त्याने लिहिले,’माझा मित्र रजनीकांतसारखा कोणी नव्हता, कोणी नाही आणि कोणीही नसेल..! आज तुम्हाला भेटून आनंद झाला. जय हो! #आझादीका अमृतमहोत्सव’#AazadiKaAmritMahotsav

अनुपम आणि रजनीकांत यांचा हा फोटो राष्ट्रपती भवनातील आहे. राष्ट्रपती भवनात झालेल्या स्वातंत्र्याच्या अमृत महोत्सव कार्यक्रमात दोघांची भेट झाली. याच कार्यक्रमातून अनुपम खेर यांनी रजनीकांतसोबतचा एक फोटो शेअर करत त्यांना आपला मित्र म्हटले आहे.

अनुपम खेर आणि रजनीकांत यांना एकाच फ्रेममध्ये एकत्र पाहून चाहते खूश झाले आहे. एकाच फ्रेममध्ये दोन दिग्गज तारे पाहून प्रत्येकजण खूप आनंदी आहे. महिमा चौधरीने कमेंट सेक्शनमध्ये लिहिले,“माझे दोन आवडते हिरो एकाच फ्रेममध्ये…”. चाहतेही स्टार्सवर प्रेमाचा वर्षाव करत आहेत.’