बेंगळुरू : कर्नाटकातील तुमकुरू येथून एक धक्कादायक घटना समोर आली आहे. रिपोर्ट्सनुसार, तुमाकुरू येथील काही तरुणांनी स्वातंत्र्य दिनानिमित्त पॅलेस्टिनी ध्वज फडकावण्याचा प्रयत्न केला, मात्र ते यशस्वी होऊ शकले नाहीत. तरुण पॅलेस्टाईनचा झेंडा फडकावण्याचा प्रयत्न करत असतानाच तिथे स्वातंत्र्यदिनाचे सेलिब्रेशनही होत होते. या घटनेचा एक व्हिडिओही समोर आला आहे ज्यामध्ये काही तरुण पॅलेस्टिनी राष्ट्रध्वज काठीला बांधण्याचा प्रयत्न करताना दिसत आहेत. मात्र, पॅलेस्टिनी ध्वज बाहेर काढताना पाहिल्यानंतर तेथे उपस्थित लोकांनी पॅलेस्टिनी ध्वज फडकावण्यास नकार दिला.

स्थानिक लोकांनी ध्वजारोहण थांबवले –

मिळालेल्या माहितीनुसार, ही घटना तुमाकुरू जिल्ह्यातील कुनिगल येथे घडली. तुमकुरू जिल्ह्यातील कुनिगल शहरातील GKBMS शाळेच्या मैदानावर स्वातंत्र्य दिनाच्या समारंभात ही घटना घडली. रिपोर्ट्सनुसार, काही तरुण स्टेजच्या मागच्या बाजूला पॅलेस्टिनी ध्वज घेऊन पोहोचले आणि ते एका काठीला बांधण्याचा प्रयत्न करू लागले. मात्र, स्थानिक नागरिकांनी त्यांना असे करण्यापासून रोखले आणि पोलिस येण्यापूर्वीच तरुणांनी तेथून पळ काढला. बजरंग दलाच्या सदस्यांनी कुनीगल पोलिस ठाण्यात गुन्हा नोंदविण्याचे आवाहन केले आहे. पोलीस सध्या या प्रकरणाचा तपास करत आहेत.

इस्रायल-हमास युद्ध 11 महिने सुरू –

इस्रायल आणि हमास यांच्यातील युद्धात आतापर्यंत 40 हजारांहून अधिक पॅलेस्टिनी ठार झाले असून 90 हजारांहून अधिक जखमी झाले आहेत. आकडेवारीनुसार, हल्ल्यानंतर गाझाच्या 85 टक्क्यांहून अधिक लोक आपली घरे सोडून विस्थापित झाली आहे. इस्त्रायल आणि हमास यांच्यातील हे युद्ध आता ११व्या महिन्यात दाखल झाले आहे. 7 ऑक्टोबर रोजी हमासच्या नेतृत्वाखालील अतिरेक्यांनी दक्षिण इस्रायलवर हल्ला केल्यावर सुमारे 1,200 लोक मारले गेले आणि गाझामध्ये सुमारे 250 ओलिस ठेवले तेव्हा युद्ध सुरू झाले. अद्याप ते सुरु आहे.