Matang Morcha: मातंग समाजाचा महामोर्चा! आझाद मैदान परिसरात आरक्षण उपवर्गीकरणाच्या मागणीसाठी रस्ता रोको
Matang Morcha: शासन निर्णय झाल्याशिवाय मुंबई सोडणार नाही; आंदोलकांचा निर्धार
Matang Morcha: मातंग समाजाकडून मंगळवारी मुंबईत अनुसूचित जाती (एससी) प्रवर्गातील उपवर्गीकरणावरून मोठे आंदोलन करण्यात आले आहे. अनुसूचित जातींच्या 13 टक्के आरक्षणाच्या उपवर्गीकरणाची (अ, ब, क, ड) मागणी प्रलंबित राहिल्यामुळे राज्यभरातील मातंग समाज आक्रमक झाला आहे.
आझाद मैदान परिसरात मातंग समाजाकडून आज आंदोलनाची हाक देण्यात आली होती. मात्र, आझाद मैदानाऐवजी मंत्रालय ते छत्रपती शिवाजी महाराज टर्मिनल हा रस्ता बंद करण्याचा प्रयत्न आंदोलकांनी केला. त्यामुळे या परिसरातील वाहतूक कोंडी निर्माण झाली.
पोलिसांनी तातडीने आंदोलकांची धरपकड सुरू केली. पोलिसांकडून बॅरिकेटिंग लावण्यात आले असून परिसरात गोंधळ निर्माण झाला आहे. हा परिसर घोषणांनी दणाणून गेला आहे. पोलिसांचा मोठा बंदोबस्त या ठिकाणी लावण्यात आलेला आहे. (Matang Morcha)
अनुसूचित जाती मधील आरक्षणचा फायदा या काही मोजक्या समाजाने घेतला यासंदर्भात सुप्रीम कोर्टाने निरीक्षण नोंदवून हे अनुसू चित जाती मधील आरक्षणच उपवर्गीकरण झाला पाहिजे असा निर्णय दिला आहे पण याची अंमलबजावणी ही राज्य सरकार कडून करण्यात येत नसल्यामुळे आम्हाला हे आज आंदोलन करावं लागत असल्याची प्रतिक्रिया विधानपरिषदेचे भाजप आमदार अमित गोरखे यांनी दिली. (Matang Morcha)
आम्हाला कोणाच्या ताटातील आरक्षण नको आहे आम्हाला आमच्या हक्काच आरक्षण हवं आहे आणि आमची लोकसंख्या किती तेवढं आरक्षण आम्हाला हव आहे ही आमची साधी मागणी आहे आणि या मागणीला इतर समाज देखील पाठिंबा देतील. आज अनुसूचित जातीमधील सर्व समाज घटकातील बांधव हे सजग झाले आहेत आणि ते आपल्या हक्कांसाठी लढत आहेत, असे गोरखे म्हणाले.
दरम्यान, अनुसूचित जातींच्या आरक्षणाच्या उपवर्गीकरणाबाबत शासन निर्णय झाल्याशिवाय आम्ही मुंबई सोडणार नाही, अशी ठाम भूमिका मातंग आंदोलकांनी घेतली आहे. त्यामुळे पोलीस यंत्रणेसमोर मोठा पेच निर्माण झाला आहे.
रमेश कदम नजरकैदेत (Matang Morcha)
मुंबईत मातंग समाजाच्या मोर्चात सहभागी होण्यापूर्वीच NCP चे माजी आमदार रमेश कदम यांना पोलिसांनी हाऊस अरेस्ट, नजरकैद केले आहे. महाराष्ट्र शासनाच्या आदेशानुसार कायदा व सुव्यवस्थेचा प्रश्न निर्माण होऊ नये म्हणून या मोर्चाला जाण्याची परवानगी नाकारण्यात आल्याची माहिती पोलिसांनी त्यांना दिली. यामुळे मातंग समाज अधिक आक्रमक झाल्याचे चित्र सध्या मुंबईतील आंदोलनदरम्यान पाहायला मिळत आहे.
हेही वाचा:
