Maruti Suzuki Q1 Results 2025: भारतातील सर्वात मोठी कार निर्माता कंपनी मारुती सुझुकीने आर्थिक वर्ष 2025 च्या पहिल्या तिमाहीचे निकाल जाहीर केले आहेत. (Maruti Suzuki Q1 Results 2025) एक्सचेंजेसला दिलेल्या माहितीमध्ये कंपनीने सांगितले की जून तिमाहीत तिचा निव्वळ नफा 46.9% वाढून 3,649.9 कोटी रुपये झाला आहे. तर, एका वर्षापूर्वी याच कालावधीत (Q1FY24) कंपनीने 2485.1 कोटी रुपयांचा निव्वळ नफा नोंदवला होता.

शेअर बाजाराला दिलेल्या माहितीत, मारुती सुझुकीने सांगितले की, खर्चात कपात करण्यासाठी केलेले प्रयत्न, वस्तूंच्या अनुकूल किमती आणि परकीय चलनातील नफा यामुळे उत्कृष्ट नफा दिसून आला.

विक्री वाढली –

मारुती सुझुकी इंडिया लिमिटेड (MSIL) ने एक्स्चेंजला दिलेल्या फायलींगमध्ये सांगितले की, जून तिमाहीत त्यांची निव्वळ विक्री वाढून रु. 33,875 कोटी झाली आहे जी मागील वर्षीच्या याच कालावधीत रु. 30,845 कोटी होती.

कंपनीची वाहन विक्री जून तिमाहीत 4.8% ने वाढून 5,21,868 युनिट्सवर गेली आहे. पहिल्या तिमाहीत देशांतर्गत बाजारात कंपनीची विक्री 3.8% ने वाढून 4,51,308 युनिट झाली. एप्रिल-जून तिमाहीत कंपनीची निर्यात 11.6% वाढून 70,560 युनिट्सवर गेली आहे.

मारुती सुझुकीच्या शेअरच्या किमतीत वाढ –
आज बीएसईवर मारुती सुझुकीच्या शेअरच्या किमतीत मोठी उसळी पाहायला मिळाली. मात्र, शेअर बाजार बंद होईपर्यंत कंपनीचे तिमाही निकाल जाहीर झाले नाहीत. अशा परिस्थितीत, त्याच्या शेअर्सवर पुढील व्यवहाराच्या दिवशी म्हणजेच उद्या परिणाम होईल. आजच्या दिवसाबद्दल बोलायचे झाले तर BSE वर मारुती सुझुकीचे शेअर्स 2.28 ने वाढून 13,167.95 रुपयांवर बंद झाले.