मुंबई – कोरोना व्हायरसचा वाढत फैलाव लक्ष्यात घेता देशात पंतप्रधान नरेंद्र मोदी यांनी लॉकडाऊन घोषित केला आहे. त्यामुळे अत्यावश्यक सेवा वगळता इतर कोणत्याही सेवा सुरू नाहीयेत. लॉकडाऊन मुळे सिनेसृष्टीतील सर्वच कलाकार आपल्या घरात बसून आहेत.
दरम्यान, या अशा परिस्थिती पोलिस, डॉक्टर आणि सफाई कर्मचारी हे दिवसातील कित्येत तास काम करत आहेत. काम करताना कोरोनाची लागण देखील होऊ शकते याची त्यांना चांगली कल्पना असली, तरी ते आपले काम खूपच चांगल्याप्रकारे करताना दिसत आहे.
या कोरोना योद्धयांप्रति मराठी चित्रपट सृष्टीतील नामवंत कलाकारांनी एकत्र येऊन “कृतज्ञता” व्यक्त केली. या कलाकारांनी एक व्हिडिओ सुद्धा सोशल मीडियावर शेअर केला आहे. सध्या या व्हिडिओवर कमेंट आणि लाईकचा पाऊस पडत आहे.