Shivendraraje Bhosale : मनोज जरांगे यांच्यासह लाखो मराठा समाजातील आंदोलक बांधव मुंबईच्या वेशीवर दाखल झाले आहेत. यामुळे आता आझाद मैदानावर लोकांची गर्दी वाढायला सुरूवात झाली आहे. या आंदोलन स्थळी जय्यत तयारी करण्यात आली आहे. जरांगे यांच्या पुन्हा एकदा मराठा समाजाला आरक्षण मिळाले पाहिजे, या मागणीसाठी आंदोलनाचं हत्यार उपसलं आहे. त्यांच्या आंदोलनाला महाराष्ट्रातील गावागावतून पाठिंबा मिळत आहे. याशिवाय महायुतीमधील आणि विरोधकांमधील काही आमदार आणि खासदार यांनी जरांगेंच्या लढ्याला जाहीर पाठिंबा दिला आहे. अशातच आता महायुती सरकारमधील एका मंत्र्यांनी जरांगेंच्या लढ्याला जाहीर पाठिंबा दिला आहे. मराठा आरक्षणाला पहिल्यापासून समर्थन आहे. आरक्षण मिळावे, अशी भूमिका असल्याची प्रतिक्रिया महायुती सरकारमधील सार्वजनिक बांधकाम मंत्री शिवेंद्रराजे भोसले यांनी दिली आहे. मुंबईच्या वेशीवर मनोज जरांगे यांचा धडक मोर्चा दाखल झाल्यानंतर त्यांच जंगी स्वागत करण्यात आलं आहे. मुंबईत भगव वादळ दिसत आहे. ठिकठिकाणी भगवे झेंडे लावण्यात आले आहेत. जरांगेंच्या आंदोलनाला महाराष्ट्रातील गावागावातून मोठा पाठिंबा मिळत आहे. आझाद मैदाना मराठ्यांनी पूर्णपणे भरले आहे. पोलिसांनी या आंदोलनसाठी काही अटी आणि शर्ती घालून दिल्या आहेत. काय म्हणाले शिवेंद्रराजे भोसले? आरक्षण दिलं तर ते कोर्टात टिकलं पाहिजे. मुंख्यमंत्री देवेंद्र फडणवीस यांचा प्रयत्न आहे की हायकोर्ट किंवा मग सुप्रीम कोर्टात जाऊन देत दिलेलं आरक्षण रद्द झालं नाही पाहिजे, समाजाला कायद्याच्या आणि घटनेत बसेल, त्यानुसार आरक्षण दिलं गेलं पाहिजे. शेवटी मी पण एक मराठा समजाचा घटक आहे. राज्यातील गोर गरीब मराठा समाजातील मुलांना याची झळ बसत आहे, यावर तोडगा काढण्यासाठी आम्ही प्रयत्न करत आहेत. आरक्षणाच्या मुद्द्याला पहिल्यापासूनच माझं समर्थन आहे. मराठा समाजाला आरक्षण मिळावे अशी भूमिका सुरुवातीपासूनच होती, आजसुद्धा आहे. हेही वाचा : Salman Khan: सलमान खानचा जल्लोष; कुटुंबासह बाप्पाचे विसर्जन, डान्सचा व्हिडिओ व्हायरल
