Paris Olympics 2024 (Shooting,Women’s 25M Rapid Pistol Event) : पॅरिस ऑलिम्पिक 2024 चा आज म्हणजेच 02 ऑगस्ट हा सातवा दिवस आहे. आतापर्यंत भारताच्या खात्यात एकूण 3 पदके जमा झाली आहेत. तिन्ही पदके नेमबाजीत प्राप्त झाली आहेत. दरम्यान चौथे पदकसूध्दा नेमबाजीतून मिळू शकते. भारताची स्टार महिला नेमबाज मनू भाकर हिने शानदार कामगिरी कायम राखत महिलांच्या 25 मीटर पिस्तुल स्पर्धेच्या अंतिम फेरीत धडक मारली आहे. मनू भाकरचा अंतिम सामना शनिवारी(3 आॅगस्ट) दुपारी एक वाजता होणार आहे.
मनु हिने 25 मीटर पिस्तुल स्पर्धेच्या पात्रता फेरीत एकूण 590 गुणांसह दुसरे स्थान पटकावले. मनूने प्रीसीझनमध्ये 97, 98 आणि 99 असे एकूण 294 गुण तर रॅपिडमध्ये 100, 98 आणि 98 असे एकूण 296 गुण मिळवले. हंगेरीची मेजर वेरोनिका प्रथम राहिली. तिने एकूण 592 गुण मिळवले.
25m Women’s Rapid Pistol Qualification
MANU MASTERCLASS!@realmanubhaker ‘s fantastic run of form at the #Paris2024Olympics continues with a score of 590 as she finishes 2nd, qualifying for the finals.
Esha Singh finished 18th with a score of 581 and failed to qualify for the… pic.twitter.com/rbCXNAUWdw
— SAI Media (@Media_SAI) August 2, 2024
ईशा सिंगचे आव्हान संपुष्टात….
दुसरीकडे याच स्पर्धेत, भारताची दुसरी महिला स्पर्धक ईशा सिंग हिने निराशा केली, ती 18 व्या स्थानावर राहिली. ईशाने एकूण 581 गुण मिळवले. तिने प्रीसीझनमध्ये 291 आणि रॅपिडमध्ये 290 गुण प्राप्त केले. या पात्रता फेरीतील टॉप 8 स्पर्धक अंतिम फेरीत पात्र होतात, त्यामुळे ईशाचे पॅरिस आॅलिपिकमधील आव्हान संपुष्टात आले आहे.
आता देशाला मनूकडून सुवर्णपदकाची अपेक्षा….
मनूने सलग तिसऱ्या स्पर्धेच्या अंतिम फेरीत प्रवेश मिळवला आहे. याआधी, तिने महिलांच्या 10 मीटर एअर पिस्तूल आणि सरबज्योत सिंगसह 10 मीटर एअर पिस्तूल मिश्र सांघिक स्पर्धेत अंतिम फेरी गाठली होती. दोन्ही प्रकारात तिने कांस्यपदक पटकावले होते. आता देशाला मनूकडून सुवर्णपदकाची अपेक्षा आहे. मनूला पदकांची हॅट्ट्रिक करण्याची संधी आहे. एकाच ऑलिम्पिकमध्ये दोन पदके जिंकणारी ती पहिली भारतीय आहे.
