Manoj Jarange : मराठा आरक्षण आंदोलनाचे नेते  मनोज जरांगे पाटील हे उद्या (दि. १५) शहापूर (ता.कराड) येथे येऊन हुतात्मा जवान अर्जुन राजेंद्र जाधव यांच्या कुटुंबीयांची सांत्वनपर भेट घेणार आहेत.

जम्मू-काश्मीरमधील उरी सेक्टर येथे देशसेवा बजावत असताना वीरमरण आलेले शहापूर गावचे सुपुत्र अर्जुन जाधव यांच्या निधनामुळे संपूर्ण परिसर शोकमग्न झाला आहे.

त्यांच्या कुटुंबीयांचे सांत्वन करण्यासाठी तसेच हुतात्मा जवानाला श्रद्धांजली अर्पण करण्यासाठी मनोज जरांगे शहापूर येथे भेट देणार असल्याची माहिती आयोजकांकडून देण्यात आली.

यावेळी हुतात्मा अर्जुन जाधव यांच्या कुटुंबीयांची भेट घेऊन त्यांचे सांत्वन करण्यात येणार असून, गावातील नागरिक व विविध संघटनांचे पदाधिकारीही उपस्थित राहणार आहेत. मनोज जरांगे यांच्या भेटीमुळे शहापूर परिसरात मोठ्या प्रमाणावर नागरिक उपस्थित राहण्याची शक्यता व्यक्त होत आहे.

हुतात्मा जवान अर्जुन जाधव यांच्या बलिदानाबद्दल कृतज्ञता व्यक्त करत त्यांच्या कुटुंबीयांच्या दुःखात सहभागी होण्यासाठी ही भेट आयोजित करण्यात आली असल्याचे सांगण्यात आले.

हेही वाचा: 

Top 10 News : उद्धव ठाकरेंनी बोलावली खासदारांची बैठक, मी रोहितला शेतकऱ्यांच्या ओटीत टाकलंय आणि प्राजक्ता माळीकडून गुडन्यूज, वाचा टॉप १० बातम्या