Manoj Jarange : मराठा आंदोलक मनोज जरांगे (Manoj Jarange) बेमुदत उपोषणासाठी काल मुंबईकडे निघाले आहेत. आझाद मैदानावर होणाऱ्या प्रस्तावित आरक्षण आंदोलनासाठी परवानगी न देण्याचे निर्देश देण्याची मागणी एमी फाऊंडेशनने याचिकेद्वारे मुंबई उच्च न्यायालयाकडे केली आहे. एमी फाऊंडेशन ही एक स्वयंसेवी संस्था आहे, जी सार्वजनिक कल्याण आणि सुरक्षेच्या संरक्षणासाठी समर्पित असल्याचा दावा करते.

2025 मध्ये ही या संस्थेकडून मराठा आरक्षाणाबाबत होणाऱ्या आंदोलनाचा विरोध करत न्यायालयात दाद (Manoj Jarange) मागण्यात आली होती. एमी फाऊंडेशनने नुकत्याच केलेल्या याचिकेत मुंबई शहरात, गणपती उत्सव मोठ्या थाटामाटात साजरा केला जातो, असे म्हटले.

या स्थितीत या आंदोलनाचा परवानगी मिळाल्यास मागील वर्षी झालेल्या आंदोलनाप्रमाणे सार्वजनिक मार्ग आणि सार्वजनिक जागा बंद होऊ शकतात, असे करण्याचा कोणताही अधिकार आंदोलकांना नाही, ज्यामुळे सर्वसामान्य जनतेला गैरसोय होईल, असे याचिकाकर्त्यांनी म्हटले आहे. सार्वजनिक सभा, आंदोलने आणि मिरवणुका नियम, 2025 हे नियम तयार करण्यात आले आहेत.

आंदोलनकर्त्यांना आंदोलन करण्याचा अधिकार आहे. तथापि, त्यांना सर्वसामान्य जनतेला गैरसोयीत टाकण्याचा कोणताही अधिकार नाही. सार्वजनिक मार्ग आणि सार्वजनिक जागा अशा प्रकारे आणि तेही अनिश्चित काळासाठी व्यापल्या जाऊ शकत नाहीत. त्यामुळे या आंदोलनाला परवानगी न देण्याबाबत ही याचिका करण्यात आली आहे. या याचिकेवर मुंबई उच्च न्यायालयात उद्या सुनावणी होणार आहे.

जरांगे (Manoj Jarange) यांनी मुंबई पोलिसांकडे परवानगी मागितली होती. मात्र, मुंबई पोलिसांकडून गेल्यावर्षीच्या आंदोलनाचा दाखला देत परवानगी नाकारण्यात आली होती. आता, माहितीनुसार मुंबई पोलिसांकडून आझाद मैदानात करण्यात येणाऱ्या आंदोलनाची सविस्तर माहिती मागवण्यात आली आहे.