Manoj Jarange  : राज्यात पुन्हा एकदा मराठा आरक्षणाचा मुद्दा चांगलाच तापला आहे. मराठा समाजाचे प्रणेते मनोज जरांगे यांनी थेट राजधानी मुंबईतील आझाद मैदानावर आंदोलनला सुरूवात केली आहे. त्यांच्या या आंदोलनाला महाराष्ट्रातील गावागावातून मोठा पाठिंबा मिळताना दिसत आहे. आंदोलन स्थळी मोठ्या प्रमाणावर राज्याच्या कानाकोपऱ्यातून मराठा बांधव दाखल झाले आहेत. आता गुलाल डोक्यावर पडल्याशिवाय मागे हटणार नसल्याचा पक्का निर्धार केल्याचं मनोज जरांगेंनी म्हटलं आहे.

त्यांच्या या आंदोलनला महायुतीमधील काही आमदार आणि खासदार यांनी पाठिंबा दिल्याची माहिती आहे. अशातच त्यांनी आझाद मैदानावरून आता निर्धार पक्का, मागं हटायचं नाय…! अशी मोठी गर्जना केली. याशिवाय आंदोलकांना महत्वाचे आवाहन केलं आहे.

मनोज जरागे यांचे आझाद मैदानावरील आंदोलकांना आवाहन

कोणीही जाळपोळ, दगडफेक करायची नाही. मी मरण पत्करायला तयार आहे, पण आता मागे हटायचं नाही.

मराठ्यांना विजय मिळवून दिल्याशिवाय डोक्यावर गुलाल पडल्याशिवाय मागे हटायचं नाही.

दारू पिऊन धिंगाणा घालू नका, माझ्या समाजाची मान शरमेने खाली जाईल असं काही करू नका.

कोण काय सांगतयं, कोण राजकीय पोळी भाजतंय, त्यासाठी कोणी आपल्या आंदोलकांचा वापर करतंय का ते पाहा.

दोन तासांत मुंबई मोकळी करा, एकही पोलीस नाराज झाला नाही पाहिजे.

हेही वाचा :  मराठा आरक्षणावरून राजकारण तापलं! भाजपने भूमिका केली स्पष्ट; आघाडीतील नेत्यांवर उठवली टीकेची झोड