Manav Suthar record with historic Test debut : भारतीय क्रिकेट संघात स्थान मिळवणे आणि पदार्पणाच्याच सामन्यात जगाला आपली दखल घ्यायला लावणे, हे प्रत्येक खेळाडूचे स्वप्न असते. २३ वर्षांच्या युवा फिरकीपटू मानव सुथारने हा पराक्रम लीलया करून दाखवला आहे. भारत आणि अफगाणिस्तान यांच्यातील मुल्लानपूर कसोटीत पदार्पण करणाऱ्या या खेळाडूने अजिबात वेळ न घालवता पहिल्याच संधीत आपली छाप सोडली. पहिलीच ओव्हर टाकायला आलेल्या मानव सुथारने अवघ्या चौथ्या चेंडूवर विकेट घेत मैदानावर एकच खळबळ उडवून दिली.

कॅप्टन गिलचा मास्टरस्ट्रोक अन् मानवचा पराक्रम –

सामन्याच्या पहिल्या दिवशी राजस्थानच्या या स्पिन-ऑलराउंडरला त्याची टेस्ट कॅप देण्यात आली होती. भारताने पहिल्या डावात ८ बाद ५६४ धावांवर डाव घोषित केल्यानंतर अफगाणिस्तानची फलंदाजी सुरू झाली. मोहम्मद सिराज आणि प्रसिध कृष्णा या वेगवान गोलंदाजांना सुरुवातीच्या ५ ओव्हर्समध्ये विकेट मिळाली नाही, उलट अफगाण फलंदाजांनी २८ धावा कुटल्या होत्या.

मानव सुथारने रचला इतिहास –

Talk about a dream start on debut 🤩

🎥 Manav Suthar getting his maiden Test wicket in his very first over 🙌

Scorecard ▶️ https://t.co/Au50EfVM30#TeamIndia | #INDvAFG | @IDFCFIRSTBank pic.twitter.com/MEx9QHwkD0

— BCCI (@BCCI) June 7, 2026

टी-ब्रेकपूर्वी केवळ एक ओव्हर शिल्लक असताना कर्णधार शुबमन गिलने एक मोठा जुगार खेळला. कुलदीप यादव आणि वॉशिंग्टन सुंदर या सिनियर्सना बाजूला ठेवत गिलने चेंडू नवख्या मानव सुथारच्या हाती सोपवला. गिलच्या या धक्कादायक निर्णयाचे सुथारने सोने केले. त्याच्या पहिल्या ३ चेंडूंनी एवढा भीषण टर्न घेतला की अफगाण फलंदाज अब्दुल मलिक गोंधळात पडला. चौथ्या चेंडूवर मलिकने एक चुकीचा स्लॉग स्वीप मारला आणि शॉर्ट फाइन लेगवर सिराजने त्याचा सोपा कॅच घेतला. या विकेटमुळे मानव सुथारचे नाव भारतीय क्रिकेटच्या इतिहासात कोरले गेले.

२५ वर्षांत पहिल्यांदाच असं पदार्पण –

Stumps on Day 2️⃣

A fantastic bowling effort led by debutant Manav Suthar’s 3️⃣ wickets 👏

We will begin Day 3 with #TeamIndia ahead by 451 runs 💪

Scorecard ▶️ https://t.co/Au50EfVM30#INDvAFG | @IDFCFIRSTBank pic.twitter.com/BOIhdoFz8W

— BCCI (@BCCI) June 7, 2026

२५ वर्षांत कसोटी पदार्पणात आपल्या पहिल्याच षटकात विकेट घेणारा तो पहिला भारतीय ठरला. मानव सुथारच्या आधी, वेगवान गोलंदाज टिनू योहाननने २००१ मध्ये इंग्लंडविरुद्ध हा पराक्रम केला होता. तसेच कसोटी पदार्पणात आपल्या पहिल्याच षटकात विकेट घेणारा मानव सुथार हा केवळ आठवा भारतीय गोलंदाज आहे. या यादीत मोंटू बॅनर्जी, मनोहर हार्डिकर, वामन कुमार, चेतन शर्मा, डब्ल्यू. रमण आणि निलेश कुलकर्णी यांसारख्या गोलंदाजांचा समावेश आहे.

हेही वाचा – Vaibhav Sooryavanshi Parents : बीसीसीआयचा ऐतिहासिक मास्टरस्ट्रोक! वैभव सूर्यवंशीच्या इंग्लंड दौऱ्यासाठी घेतला मोठा निर्णय; पहिल्यांदाच घडलं असं

या सामन्याच्या पहिल्या डावातील मानव सुथारची कामगिरी दमदार होती. त्याने दुसऱ्या दिवसाचा खेळ संपेपर्यंत १५.५ षटके गोलंदाजी करताना ७ षटकं निर्धाव टाकत अवघ्या २१ धावांत ३ विकेट्स घेतल्या. अफगाणिस्तान संघाने दुसऱ्या दिवसअखेर ३९.५ षटकांत ५ गडी गमावून ११३ धावा केल्या आहेत. मात्र, अजूनही ४५१ धावांनी पिछाडीवर आहेत. तत्पूर्वी भारतीय संघाने ८ बाद ५६४ धावांवर आपला पहिला डाव घोषित केला होता.