Vaibhav Sooryavanshi Parents England Tour : याच्या अवघ्या १५ व्या वर्षी भारतीय सीनियर संघात स्थान मिळवणे ही स्वतःमध्येच एक अद्भूत कामगिरी आहे. मात्र, ‘वंडर बॉय’ वैभव सूर्यवंशी याची कहाणी केवळ धावा आणि रेकॉर्ड्सपुरती मर्यादित राहिलेली नाही. भारतीय क्रिकेट नियामक मंडळाने (BCCI) या किशोरवयीन फलंदाजासाठी एक अत्यंत विशेष आणि अभूतपूर्व व्यवस्था केली आहे. यावरून बीसीसीआय वैभवच्या प्रतिभेसोबतच त्याच्या वयाचा आणि मानसिक गरजांचाही किती गांभीर्याने विचार करत आहे, हे स्पष्ट होते.

सीनियर टीममध्ये कम्फर्टेबल वाटण्यासाठी बीसीसीआयचा मोठा निर्णय!

आयर्लंड आणि इंग्लंडविरुद्धच्या टी-२० मालिकेसाठी भारतीय संघात निवड झालेला वैभव सूर्यवंशी आता इंग्लंड दौऱ्यावर आपल्या आई-वडिलांसोबत जाऊ शकणार आहे. बीसीसीआयने त्याला ही विशेष परवानगी दिली आहे. या निर्णयामागचे कारण सांगताना बीसीसीआयचे सचिव देवजीत सैकिया म्हणाले, “वैभव अजून अल्पवयीन आहे. अंडर-१९ पातळीवर तो त्याच्याच वयाच्या मुलांसोबत प्रवास करायचा. मात्र, सीनियर भारतीय संघात सर्व खेळाडू प्रौढ आहेत. येथील वातावरण पूर्णपणे वेगळे असेल. अशा विदेशी आणि कठीण परिस्थितीत वैभवला एकटेपण जाणवू नये आणि तो सहज वावरू शकेल, म्हणून त्याच्या कुटुंबातील एका सदस्याला सोबत राहण्याची परवानगी देण्यात आली आहे.”

The BCCI has asked the parents of 15-year-old Vaibhav Sooryavanshi to accompany him on India’s upcoming tours of Sri Lanka and the UK after his call-up to the national T20I squad.

The special arrangement comes as the teenage prodigy prepares to join a senior India squad for the… pic.twitter.com/pgZoIgiE7S

— Bharat Pulse News (@BharatPulseNews) June 7, 2026

सध्या वैभव श्रीलंका दौऱ्यावर असून त्याचे वडीलही लवकरच तिथे पोहोचणार आहेत. यानंतर इंग्लंड दौऱ्याचा सर्व खर्च आणि सहकार्य बीसीसीआय करणार आहे. भारतीय क्रिकेटमध्ये सहसा कोणत्याही खेळाडूला अशी सवलत दिली जात नाही.वैभवसाठी २०२६ हे वर्ष एखाद्या स्वप्नासारखे ठरले आहे. आधी अंडर-१९ विश्वचषक फायनलमध्ये इंग्लंडविरुद्ध १७५ धावांची ऐतिहासिक खेळी करून त्याने भारताला विश्वविजेते बनवले, तर आयपीएल २०२६ मध्ये राजस्थान रॉयल्ससाठी २३७.३० च्या स्ट्राईक रेटने ७७६ धावा ठोकून ऑरेंज कॅप आणि ‘एमव्हीपी’चा किताब पटकावला.

हेही वाचा – Vaibhav Sooryavanshi Records : भारतीय क्रिकेटचा ‘वैभव’शाली सूर्य

अजित आगरकरही झाले वैभवचे फॅन!

मुख्य निवडकर्ते अजित आगरकर यांनीही वैभवचे कौतुक करताना सांगितले की, “वैभवने आपल्या कामगिरीच्या जोरावर निवडकर्त्यांना त्याला संघात निवडण्यास भाग पाडले आहे. इतक्या लहान वयात दबावाखाली खेळण्याची त्याची क्षमता असाधारण आहे.” बीसीसीआयचा हा निर्णय दाखवतो की बोर्ड वैभवला केवळ एक खेळाडू म्हणून नाही, तर एक लहान मूल म्हणून जपायला शिकले आहे.