Mamata Banerjee : राजकीय संन्यास घेणार नाही; ममता बॅनर्जींची भाजपवर घणाघाती टीका
Mamata Banerjee : तृणमूल काँग्रेसच्या प्रमुख ममता बॅनर्जी यांनी राजकारणातून निवृत्ती घेण्याची शक्यता स्पष्ट शब्दांत फेटाळून लावली आहे.
Mamata Banerjee : तृणमूल कॉंग्रेसच्या प्रमुख ममता बॅनर्जी यांनी राजकीय संन्यास घेण्याची शक्यता स्पष्ट शब्दांत फेटाळून लावली. भाजपला राजकीयदृष्ट्या निवृत्त करेपर्यंत आमचा लढा थांबणार नाही, अशी राजकीय गर्जनाही त्यांनी केली. (Mamata Banerjee)
ममतांनी सोमवारी सोशल मीडियावरून नेहमीच्या आक्रमक शैलीत भूमिका मांडली. भाजप मला सभा-बैठका घेऊ देत नाही. मला परवानगी नाकारल्याने मी राजकारणातून संन्यास घेईल असे वाटणारे भ्रमात आहेत. (Mamata Banerjee)
पश्‍चिम बंगालमध्ये सरकार बदलल्यानंतर जनतेला अवघ्या चार महिन्यांत भाजपचा खरा चेहरा समजला. नागरिकांना धाकदपटशा दाखवला जात आहे. तृणमूलच्या कार्यकर्त्यांविरोधात पोलीस गुन्हे दाखल करत आहेत. मतदारयाद्या पडताळणीच्या (एसआयआर) नावाखाली अनेकांची नावे हटवण्यात आली. (Mamata Banerjee)
भाजपने फसवणुकीच्या माध्यमातून निवडणूक जिंकली. अस्सल मतदारांची नावे याद्यांमध्ये पुन्हा समाविष्ट व्हावीत यासाठी गरज भासल्यास मी पुन्हा सर्वोच्च न्यायालयात जाईन, असा निर्धारही त्यांनी व्यक्त केला. बंगाल विधानसभा निवडणुकीतील पराभवामुळे तृणमूलने प्रदीर्घ सत्ता गमावली. (Mamata Banerjee)
त्यानंतर त्या पक्षाला फुटीचे ग्रहण लागले. त्या घडामोडींमुळे ७१ वर्षीय ममतांचे राजकीय भवितव्य धूसर बनल्याच्या चर्चा झडत आहेत. मात्र, त्यांनी एकप्रकारे राजकीय हार मानणार नसल्याची ग्वाही दिली आहे. (Mamata Banerjee)
