BJP News : भाजपला जोरदार धक्का, ६ वेळा आमदार राहिलेल्या माजी मंत्र्यांचा पक्षाला रामराम; राजकारणात खळबळ
BJP News : हिमाचल प्रदेशच्या राजकारणात पुन्हा एकदा मोठ्या हालचालींना वेग आला असून भारतीय जनता पक्षाला जोरदार धक्का बसला आहे.
BJP News : हिमाचल प्रदेशच्या राजकारणात पुन्हा एकदा राजकीय घडामोडींना वेग आला आहे. माजी मंत्री आणि रामपूरचे माजी आमदार सिंघी राम यांनी भारतीय जनता पक्षाला सोडचिठ्ठी दिली आहे. त्यांनी भाजपचे प्रदेशाध्यक्ष डॉ. राजीव बिंदल यांच्याकडे आपला राजीनामा पाठवला आहे. भाजपमध्ये अस्वस्थ वाटत असल्याचे कारण त्यांनी राजीनाम्यामागे दिल्याचे सांगितले जात आहे. (BJP News)
सिंघी राम सध्या कोणत्याही अन्य राजकीय पक्षात प्रवेश करणार नसल्याची चर्चा आहे. मात्र, ते पुन्हा काँग्रेसमध्ये परतणार असल्याच्या चर्चांना स्थानिक राजकीय वर्तुळात जोर आला आहे. त्यांनी अद्याप आपल्या पुढील राजकीय वाटचालीबाबत अधिकृत घोषणा केलेली नाही. (BJP News)
काँग्रेसमध्ये चार दशकांहून अधिक काळ काम
सिंघी राम यांची राजकीय कारकीर्द काँग्रेस पक्षातून सुरू झाली. १९८४ ते २००७ या काळात त्यांनी रामपूर विधानसभा मतदारसंघाचे काँग्रेसचे आमदार म्हणून प्रतिनिधित्व केले. या काळात त्यांनी राज्य सरकारमध्ये मंत्रिपदासह विविध महत्त्वाच्या जबाबदाऱ्या सांभाळल्या. (BJP News)
१९७५ मध्ये त्यांनी एनएसयूआयच्या माध्यमातून राजकारणात प्रवेश केला. त्यानंतर युवक काँग्रेसमध्ये सक्रिय होत त्यांनी काँग्रेस संघटनेत दीर्घकाळ काम केले. (BJP News)
२०१९ मध्ये भाजपमध्ये प्रवेश
२०१९ च्या लोकसभा निवडणुकीच्या काळात सिंघी राम यांनी काँग्रेसला सोडचिठ्ठी देत भाजपमध्ये प्रवेश केला होता. आता त्यांनी भाजपचाही राजीनामा दिल्याने हिमाचल प्रदेशातील राजकीय चर्चांना उधाण आले आहे. (BJP News)
दरम्यान, रामपूरचे आमदार नंदलाल यांच्या निधनानंतर संभाव्य पोटनिवडणुकीबाबत चर्चा सुरू आहे. या पार्श्वभूमीवर सिंघी राम यांच्या राजीनाम्याकडे राजकीयदृष्ट्या महत्त्वाची घडामोड म्हणून पाहिले जात आहे. ते काँग्रेसमध्ये परतल्यास रामपूरसह शिमला जिल्ह्यातील राजकीय समीकरणांवर त्याचा काय परिणाम होतो, याकडे सर्वांचे लक्ष लागले आहे. (BJP News)
